എടിഎം നിര്‍ത്താനുള്ള തീരുമാനം പുനഃപരിശോധിക്കണം

ചാമംപതാല്‍: എന്‍ആര്‍ഐ ഉള്‍പ്പെടെ മികച്ച ബിസിനസ് നടത്തുന്ന ചാമംപതാല്‍ എസ്ബിടി ബ്രാഞ്ചിന്റെ എടിഎം കൌണ്ടര്‍ നിര്‍ത്തലാക്കാനുള്ള തീരുമാനം പുനഃപരിശോധിക്കണമെന്ന് പി.ടി. ചാക്കോ കള്‍ച്ചറല്‍ ഫോറം ആവശ്യപ്പെട്ടു. ബാങ്കില്‍ നിലവില്‍ ജീവനക്കാരുടെ കുറവുമൂലം ഇടപാടുകള്‍ക്ക് താമസം നേരിടുന്നുണ്ട്. എടിഎം കൌണ്ടര്‍ നിര്‍ത്തുന്നതോടെ ഇത് വര്‍ധിക്കുവാന്‍ കാരണമാകും. യോഗത്തില്‍ ജോസ് വെള്ളാംന്തടം, ബോബി മാത്യു, രാജേഷ് ടി.ജി., സാജന്‍ ജോര്‍ജ്, തോമസ് മൈലാങ്കല്‍ എന്നിവര്‍ പ്രസംഗിച്ചു.