ന​ഷ്ട​ത്തി​ലാ​യി ക​പ്പ​ക്കൃ​ഷി

പൊ​ന്‍​കു​ന്നം: ന്യാ​യ​മാ​യ വി​ല ല​ഭി​ക്കാ​ത്ത​തി​നാ​ല്‍ മ​ര​ച്ചീ​നി​ക്കൃ​ഷി​ക്കാ​ര്‍​ക്ക് ന​ഷ്ട​ത്തി​ന്‍റെ വ​ര്‍​ഷം. മേ​ഖ​ല​യി​ല്‍ ക​ര്‍​ഷ​ക​ര്‍​ക്ക് ഇ​പ്പോ​ള്‍ കി​ട്ടു​ന്ന​ത് കി​ലോ​യ്ക്ക് പ​ത്തു രൂ​പ​യി​ല്‍​ത്താ​ഴെ. ഇ​രു​പ​ത്ത​ഞ്ചു രൂ​പ​യി​ല്‍നി​ന്ന് ക​ട​ക​ളി​ല്‍ പ​തി​ന​ഞ്ചു രൂ​പ​വ​രെ​യാ​യി വി​ല്‍​പ്പ​ന വി​ല. വി​ള​വെ​ടു​പ്പു​കാ​ല​മാ​യ​തോ​ടെ​യാ​ണ് വി​ല വീ​ണ്ടും കു​റ​ഞ്ഞ​ത്.

മ​ര​ച്ചീ​നി തോ​ട്ട​ങ്ങ​ളി​ല്‍ 12 രൂ​പ​യ്ക്ക് ക​പ്പ പ​റി​ച്ചു ന​ല്‍​കു​ന്നു​ണ്ട്. ക​ച്ച​വ​ട​ക്കാ​ര്‍​ക്ക് കൊ​ടു​ത്താ​ല്‍ കൃ​ഷി​ക്കാ​ര്‍​ക്കു കി​ട്ടു​ന്ന​താ​ക​ട്ടെ പ​ത്തു രൂ​പ​യി​ല്‍​ത്താ​ഴെ. മൊ​ത്ത​ക്ക​ച്ച​വ​ട​ക്കാ​ര്‍​ക്ക് ക​പ്പ ന​ല്‍​കു​മ്പോ​ള്‍ നൂ​റു കി​ലോ​യ്ക്ക് പ​ത്തു​കി​ലോ വ​രെ അ​ധി​കം തൂ​ക്കം ന​ല്‍​കേ​ണ്ടി വ​രു​ന്ന​തി​ന്‍റെ​യും ന​ഷ്ടം കൃ​ഷി​ക്കാ​ര്‍ സ​ഹി​ക്ക​ണം.

മ​റ്റു​ള്ള​വ​രു​ടെ കൃ​ഷി​യി​ട​ത്തി​ല്‍ പാ​ട്ട​ത്തി​ന് ക​പ്പ​ക്കൃ​ഷി ന​ട​ത്തി​യ ക​ര്‍​ഷ​ക​രാ​ണ് വി​ല​ക്കു​റ​വി​നാ​ല്‍ ഏ​റെ ന​ഷ്ടം സ​ഹി​ക്കേ​ണ്ടി വ​രു​ന്ന​ത്. ഉ​യ​ര്‍​ന്ന വി​ല​യി​ല്‍ പ്ര​തീ​ക്ഷ​യ​ര്‍​പ്പി​ച്ചാ​യി​രു​ന്നു ഇ​ത്ത​വ​ണ ഏ​റെ​പ്പേ​രും മ​ര​ച്ചീ​നി​ക്കൃ​ഷി​യി​ലേ​ക്കു തി​രി​ഞ്ഞ​ത്. എ​ന്നാ​ല്‍ ഇ​വ​രെ​ല്ലാം ക​ട​ക്കെ​ണി​യി​ലാ​യി ഇ​പ്പോ​ള്‍.