എരുമേലി സെന്റ് തോമസ് ഹൈസ്‌കൂളിൽ കേന്ദ്രസർക്കാർ അടൽ ടിങ്കറിങ് ലാബ് അനുവദിച്ചു

എരുമേലി സെന്റ്  തോമസ് ഹൈസ്‌കൂളിൽ  കേന്ദ്രസർക്കാർ അടൽ ടിങ്കറിങ് ലാബ് അനുവദിച്ചു

എരുമേലി : എരുമേലി സെന്റ് തോമസ് എച്ച്എസ് എസ്സിൽ കേന്ദ്ര കേന്ദ്ര സർക്കാർ പദ്ധതിയിൽ ഉൾപ്പെട്ട അടൽ ടിങ്കറിങ് ലാബ് അനുവദിച്ചു. രാജ്യത്ത് 10 ലക്ഷം ശാസ്ത്ര സാങ്കേതിക പ്രതിഭകളെ സൃഷ്ടിക്കുകയെന്ന ലക്ഷ്യത്തോടെ കേന്ദ്ര സർക്കാർ നടപ്പാക്കുന്ന അടൽ ഇന്നൊവേഷൻ പദ്ധതിയുടെ ഭാഗമായിയാണ് തെരെഞ്ഞെടുക്കപ്പെട്ട സ്‌കൂളുകളിൽ അടൽ ടിങ്കറിങ് ലാബുകൾ അനുവദിക്കുന്നത്.

രാജ്യത്താകമാനം 10 ലക്ഷത്തോളം ശാസ്ത്ര സാങ്കേതിക പ്രതിഭകളെ സൃഷ്ടിക്കുകയാണ് ലക്ഷ്യം. ലാബ് സ്ഥാപിക്കുന്നതിന് ഓരോ വിദ്യാലയത്തിനും 20 ലക്ഷം രൂപ വീതം ലഭിക്കും. അടിസ്ഥാന സൗകര്യങ്ങൾ ഒരുക്കുന്നതിനായി ആദ്യഘട്ടത്തിൽ 10 ലക്ഷം രൂപ. തുടർന്ന് അഞ്ചു വർഷത്തേക്കു തുടർചെലവുകൾക്കായി 10 ലക്ഷം രൂപ കൂടി നൽകും.

ദൃശ്യ-ശ്രാവ്യ മാധ്യമങ്ങളുടെ സഹായത്തോടെയുളള പഠനവും ഇൻറ്റർനെറ്റ് വഴി സംശയ നിവാരണവുമാണ് സ്മാർട്ട് ക്ലാസുകളുടെ പ്രത്യേകത. സ്വച്ച് ഭാരത് പദ്ധതിയുടെ ഭാഗമായി വിദ്യാലയങ്ങളിലെ വൃത്തിയും മികവും പഠനാന്തരീഷവും മാനവ വിഭവ വികസനശേഷി മന്ത്രാലയം പരിശോധിച്ചതിൽ സ്കൂളിന് ഉയർന്ന റേറ്റിംഗ് ലഭിച്ചതാണ് ലാബ് അനുവദിക്കുവാൻ മുഖ്യ കാരണം . . 86 ശതമാനം റേറ്റിംഗാണ് മറ്റ് മുന്തിയ പബ്ലിക് സ്കൂളുകളോട് മത്സരിച്ച് പൊതുവിദ്യാലയത്തിൻറ്റെ പരിമിതികൾക്കുളളിൽ നിന്നും സെൻറ്റ് തോമസ് സ്കൂൾ നേടിയത്. വൃത്തിയുളള വിദ്യാലയത്തിന് പുരസ്കാരം നൽകുന്ന ഈ കേന്ദ്ര പദ്ധതിയുടെ ഒന്നാംഘട്ടത്തിൽ നടത്തിയ പരിശോധനയിലാണ് സ്കൂൾ ഉയർന്ന റേറ്റിംഗിലെത്തിയത്.

കുടിവെളളം, കെട്ടിടം, പെരുമാറ്റം എന്നിവയിൽ ഫൈവ് സ്റ്റാറാണ് റേറ്റിംഗിൽ നേടിയ സ്കോർ. കുട്ടികളെ ശാസ്ത്രപ്രതിഭകളാക്കി മാറ്റുന്ന ഉന്നത സാങ്കേതിക വിദ്യയാണ് അടൽ റ്റിങ്കറിംഗ് ലാബിൽ സജ്ജമാക്കുന്നത്. റോബോട്ടുകളെ നിർമിക്കാനുളള കിറ്റുകൾ, ത്രീഡി പ്രിൻറ്ററുകൾ, മൈക്രോ കൺട്രോളേഴ്സ്, ഇലക്ട്രോണിക്സ് കിറ്റുകൾ തുടങ്ങിയവ ലാബിൽ കേന്ദ്ര പദ്ധതിയിലൂടെ ലഭിക്കും. 20 ലക്ഷം രൂപ അഞ്ച് വർഷം കൊണ്ടാണ് കേന്ദ്ര ഫണ്ടിലൂടെ ലഭിക്കുക. കുട്ടികളെ ഭാവിയിൽ നവയുഗ തൊഴിൽ സംരഭകരാക്കുന്നതിനുളള പ്രോജക്ടുകളാണ് ലാബിൽ ഒരുക്കുന്നത്.

മുൻ പ്രധാനമന്ത്രി അടൽ ബിഹാരി വാജ്പെയിയുടെ സ്മരണക്കായി മൂന്ന് വർഷം മുമ്പാണ് അടൽ റ്റിങ്കറിങ് ലാബുകൾ കേന്ദ്ര നീതി ആയോഗ് വഴി ആരംഭിച്ചത്. കേന്ദ്ര ഫണ്ടിൻറ്റെ അത്രയും തുക സ്കൂൾ അധികൃതരും ചെലവിട്ടാലാണ് ലാബുകൾ നിർമ്മിക്കുന്നത് .

വിശാലമായ പ്ലേ ഗ്രൗണ്ടിൻറ്റെ നിർമാണം സ്കൂളിൽ പൂർത്തിയാകാറായി. ഒപ്പം പാചകപ്പുര, ഡൈനിങ് ഹാൾ നിർമാണവും പുരോഗമിക്കുകയാണ്. നവീകരണം പൂർത്തിയായ കംപ്യൂട്ടർ ലാബിൻറ്റെ പ്രവർത്തനവും വാർഷിക സമ്മേളനത്തിൽ ആരംഭിക്കും. സമ്മേളനത്തിൻറ്റെ ഉദ്ഘാടനം രൂപതാ കോർപറേറ്റ് മാനേജർ റവ. ഫാ. സഖറിയാസ് ഇല്ലിക്കമുറിയിൽ നിർവഹിക്കുമെന്ന് വാർത്താ സമ്മേളനത്തിൽ സ്കൂൾ മാനേജർ റവ.ഡോ. സെബാസ്റ്റ്യൻ കൊല്ലംപറമ്പിൽ, ഹെഡ്മാസ്റ്റർ ഒ എ ആൻറ്റണി എന്നിവർ അറിയിച്ചു.

കോട്ടയം ജില്ലയിലെ തിരഞ്ഞെടുക്കപ്പെട്ട സ്കൂളുകൾ :

എസ്ബി ഹയർസെക്കൻഡറി സ്കൂൾ, ചങ്ങനാശേരി.

സിഎംഎസ് കോളജ് എച്ച്എസ്എസ്, കോട്ടയം.

മൗണ്ട് കാർമൽ ഗേൾ‍സ് ഹൈസ്കൂൾ, കോട്ടയം.

സെന്റ് ജോൺസ് ഹൈസ്കൂൾ, കുറുമണ്ണ്.

ഇൻഫന്റ് ജീസസ് ഹൈസ്കൂൾ, വടയാർ.

ഗിരിദീപം ബഥനി സെൻട്രൽ സ്കൂൾ, കോട്ടയം.

സിഎംഎസ് ഹൈസ്കൂൾ, കോട്ടയം.

ശ്രീ സരസ്വതി വിദ്യാമന്ദിർ സീനിയർ

സെക്കൻഡറി സ്കൂൾ, കാരിക്കോട്.

സെന്റ് ലിറ്റിൽ തെരേസാസ് ഗേൾ‍സ് എച്ച്എസ്എസ്,വൈക്കം.

സെന്റ് തോമസ് എച്ച്എസ്എസ്, എരുമേലി.

സെന്റ് അലോഷ്യസ് എച്ച്എസ്എസ്, അതിരമ്പുഴ.

അരവിന്ദ വിദ്യാമന്ദിരം, പള്ളിക്കത്തോട്.

ലിറ്റിൽ ഫ്ലവർ ഹൈസ്കൂൾ, ചെമ്മലമറ്റം.

ഗവ. എച്ച്എസ്എസ്, ചെങ്ങളം.