അതിജീവനത്തിനായി കേഴുന്ന മഴമരത്തിന് ആയുർവേദ ചികിത്സയുമായി വൃക്ഷവൈദ്യനും, പ്രകൃതി സ്നേഹികളും…

അതിജീവനത്തിനായി കേഴുന്ന മഴമരത്തിന്   ആയുർവേദ ചികിത്സയുമായി  വൃക്ഷവൈദ്യനും,  പ്രകൃതി സ്നേഹികളും…

അതിജീവനത്തിനായി കേഴുന്ന മഴമരത്തിന് ആയുർവേദ ചികിത്സയുമായി വൃക്ഷവൈദ്യനും, പ്രകൃതി സ്നേഹികളും…

റോ​​ഡു​​വി​​ക​​സ​​ന​​ത്തി​​ന്‍റെ പേ​​രി​​ൽ 65 വ​​ർ​​ഷം പ​​ഴ​​ക്ക​​മു​​ള്ള വൻ വൃക്ഷത്തെ മുറിച്ചുനീക്കുന്നതിന്റെ ഭാഗമായി മഴമരത്തിന്റെ ശി​​ഖ​​ര​​ങ്ങ​​ൾ പൂർണമായി മു​​റി​​ച്ചു​​നീ​​ക്ക​​പ്പെ​​ട്ടത്തോടെ, പ്രകൃതി സ്നേഹികൾ കോടതിയിൽ നിന്നും സ്റ്റേ വാങ്ങിയെടുത്തു. തുടർന്ന് ഗുരുതരമായി മുറിവേറ്റ മരത്തിന് ആ​​യു​​ർ​​വേ​​ദ ചി​​കി​​ത്സ ന​​ൽ​​കി ജീവിതത്തിലേക്ക് തിരികെ കൊണ്ടുവരുന്നതിനുള്ള ശ്രമം ആരംഭിച്ചു.

തിടനാട് എന്ന ഗ്രാമത്തിന്റെ ഐക്കൺ ആയിരുന്നു തണൽ വിരിച്ചു നിന്നിരുന്ന ആ വലിയ മഴമരം. 65 വർഷങ്ങൾക്ക് മുൻപ്, നാട്ടുകാരനായ നങ്ങാപറമ്പിൽ കുട്ടിച്ചേട്ടനാണ് മ​​ഴ​​മ​​രം അവിടെ നട്ടുപിടിപ്പിച്ചത്. ദിവസവും മരത്തിന്റെ ചുവട്ടിൽ കുട്ടിച്ചേട്ടൻ അടുത്ത ചായക്കടകളിൽ നിന്നും പാലുവാങ്ങി ഒഴിച്ചുകൊടുത്ത് ഓമനിച്ചു വളർത്തിയ ആ മരം, പിന്നീട് നാടിന്റെ അഭിമാനമായി മാറുകയായിരുന്നു. കുട്ടിച്ചേട്ടൻ വർഷങ്ങൾക്ക് മുൻപ് ഓർമ്മയായെങ്കിലും, ആദ്ദേഹത്തിന്റെ ഓർമകൾ പേറികൊണ്ട് മഴമരം നാട്ടുകാർക്ക് തണലേകി, നിരവധി പക്ഷികൾക്കും, മറ്റു ജീവികൾക്കും അഭയസ്ഥാനമായി പരിലസിച്ചിരുന്നു.

മരത്തിന്റെ ചുവട്ടിൽ കോടാലി വയ്ക്കുവാൻ പല കാലങ്ങളിലും, പലരും, പലപ്രാവശ്യം ശ്രമിച്ചെങ്കിലും, നാട്ടുകാർ ഇടപെട്ട് മുടക്കുകയായിരുന്നു. എന്നാൽ ജനങ്ങളുടെ ജീ​​വ​​നും സ്വ​​ത്തി​​നും ഭീ​​ഷ​​ണി​​യാ​​കു​​ന്നു​​വെ​​ന്ന പരാതിയിൽ, ര​​ണ്ടാ​​ഴ്ച മുൻപ് ജി​​ല്ലാ ദു​​ര​​ന്തനി​​വാ​​ര​​ണ അ​​ഥോ​​റി​​ട്ടിയുടെ ഉത്തരവ് പ്രകാരം മരത്തിന്റെ ശി​​ഖ​​ര​​ങ്ങ​​ൾ പൂർണമായും മു​​റി​​ച്ചു മാറ്റുകയായിരുന്നു.

അതോടെ മാരകമായി മുറിവേറ്റ്, നിലനിൽപ്പ് ഭീഷണിയിലായ വന്മരത്തിന്റെ സംരക്ഷണത്തിന് വേണ്ടി നാട്ടുകാരായ, സിപിഐ എം ടൗൺ സെക്രട്ടറിയായ റ്റി. സുഭാഷ്, കർഷകവേദിയുടെ സെക്രട്ടറിയായ റ്റോമിച്ചൻ സ്കറിയാ ഐയ്ക്കര എന്നിവർ കാര്യത്തിന്റെ ഗൗരവം പ്രമുഖ വൃ​​ക്ഷ​​ ചികിത്സകനും, ജില്ലാ ട്രീ കമ്മറ്റി അംഗവുമായ കെ. ​​ബി​​നു​​വിനെ അറിയിക്കുകയും. അദ്ദഹം ഇടപെട്ടു കോടതിയിൽ നിന്നും തുടർപ്രവർത്തികൾ വിലക്കിക്കൊണ്ടുള്ള സ്റ്റേ ഓർഡർ വാങ്ങുകയും ചെയ്തു.

വൃ​​ക്ഷ വൈദ്യൻ ​​ കെ. ബിനു സ്ഥലത്തെത്തി മരം പരിശോധിച്ചപ്പോൾ, മരം വളരെ ദയനീയമായ അവസ്ഥയിലാണ് ഉള്ളതെന്നും, അടിയന്തിരമായി മരത്തിനു വിദഗ്ധ ചികിത്സ വേണമെന്നും കണ്ടെത്തി. പതിനയ്യായിരത്തോളം രൂപ ചെലവ് വരുന്ന ചികിത്സയ്ക്കായി, അദ്ദേഹം സോഷ്യൽ മീഡിയയിലൂടെ പ്രകൃതി സ്നേഹികളോട് സഹായ അഭ്യർത്ഥന നടത്തി. നിരവധി പ്രകൃതി സ്നേഹികൾ ഉദാരമായി സംഭാവനകൾ നൽകിയതോടെ, ചികിത്സയ്ക്കു ആവശ്യമായ പണം സോഷ്യൽ മീഡിയയിലൂടെ കണ്ടെത്തുവാൻ സാധിച്ചു. കേരളത്തിൽ ഇത്തരത്തിൽ ജനപങ്കാളിത്തത്തോടെ വൃക്ഷ ചികിത്സ നടത്തുന്നത് ആദ്യമായാണെന്ന് കെ. ബിനു സാക്ഷ്യപ്പെടുത്തുന്നു.

തുടർന്ന് കെ ബിനുവിന്റെ മേൽനോട്ടത്തിൽ, കോ​​ട്ട​​യം നേ​​ച്ച​​ർ സൊ​​സൈ​​റ്റി, മീ​​ന​​ച്ചി​​ൽ ന​​ദീ​​സം​​ര​​ക്ഷ​​ണ സ​​മി​​തി, തി​​ട​​നാ​​ട്ടി​​ലെ ക​​ർ​​ഷ​​ക പ​​രി​​സ്ഥി​​തി കൂ​​ട്ടാ​​യ്മ, കർഷക വേദി എ​​ന്നി​​വ​​യു​​ടെ നേ​​തൃ​​ത്വ​​ത്തി​​ലാ​​യി​​രു​​ന്നു മ​​ര​​ത്തി​​നു ചി​​കി​​ത്സ ഒ​​രു​​ക്കി​​യ​​ത്. കെ ബിനുവിനോടൊപ്പം, സുനിൽ വാഴൂർ, ഗോപകുമാർ കങ്ങഴ, വിജയകുമാർ ഇത്തിത്താനം, രാജേഷ് കടമാൻചിറ, എബി ഇമ്മാനുവേൽ, എസ് രാമചന്ദ്രൻ, ടി സുഭാഷ്, ടോമിച്ചൻ ഐക്കര തുടങ്ങിയവർ ചികിത്സയിൽ പങ്കാളികളായി.

14 കൂ​​ട്ടം മ​​രു​​ന്നു​​ക​​ൾ ചേർത്തുണ്ടാക്കിയ മിശ്രിതമാണ് മരുന്നായി ഉപയോഗിച്ചത്. ചി​​ത​​ൽ​​പ്പു​​റ്റ്, ചി​​കി​​ത്സ ചെ​​യ്യു​​ന്ന മ​​ര​​ത്തി​​ന്‍റെ ചു​​വ​​ട്ടി​​ലെ മ​​ണ്ണ്, പാടത്തെ മ​​ണ്ണ്, നാ​​ട​​ൻ പ​​ശു​​വി​​ന്‍റെ പാ​​ൽ, നെ​​യ്യ്, ചാ​​ണ​​കം, ക​​ദ​​ളി​​പ്പ​​ഴം, ചെ​​റു​​തേ​​ൻ, എ​​ള്ള്, ഇ​​ര​​ട്ടി​​മ​​ധു​​രം, തൊ​​ണ്ടോ​​ടു​​കൂ​​ടി​​യ ഉ​​ഴു​​ന്ന്, പൊ​​ടി​​ച്ച രാ​​മ​​ച്ചം, പു​​ഴ​​ക്ക​​ല​​രി പൊ​​ടി​​ച്ച​​ത്, ചെ​​റു​​പ​​യ​​ർ പൊ​​ടി​​ച്ച​​ത് എ​​ന്നി​​വ നി​​ശ്ചി​​ത അ​​നു​​പാ​​ത​​ത്തി​​ൽ കൂ​​ട്ടി മിശ്രിതമാക്കി മ​​ര​​ത്തി​​ൽ തേ​​ച്ചു പി​​ടി​​പ്പി​​ക്കു​​ക​​യായിരുന്നു. .

ചികിത്സയുടെ ഭാഗമായി വൃ​​ക്ഷ വൈ​​ദ്യ​​ൻ ബി​​നു​​വും സം​​ഘാം​​ഗ​​ങ്ങ​​ളും ഞായറാഴ്ച രാ​​വി​​ലെ മ​​ര​​ച്ചു​​വ​​ട്ടി​​ലെ​​ത്തി മ​​രം വൃ​​ത്തി​​യാ​​യി ക​​ഴു​​കി. തു​​ട​​ർ​​ന്ന് മ​​ര​​ത്തി​​ലെ വെ​​ള്ളം തു​​ണി ഉ​​പ​​യോ​​ഗി​​ച്ച് ഒ​​പ്പി​​യെ​​ടു​​ത്തു. ഇ​​തി​​നു ശേ​​ഷം പു​​ഴു​​ക്ക​​ല​​രി പൊ​​ടി​​യും ചെ​​റു​​തേ​​നും കൂ​​ട്ടി​​യി​​ള​​ക്കി​​യ മി​​ശ്രി​​തം ഒ​​രാ​​ൾ പൊ​​ക്ക​​ത്തി​​ൽ തേ​​ച്ചു​​പി​​ടി​​പ്പി​​ച്ചു. തു​​ട​​ർ​​ന്ന് മ​​റ്റു മ​​രു​​ന്നു​​കൂ​​ട്ടു​​ക​​ൾ പു​​റ​​മേ തേ​​ച്ചു. മ​​രു​​ന്നു തേ​​ച്ച​​തി​​നു ശേ​​ഷം കോ​​റ തു​​ണി ഉ​​പ​​യോ​​ഗി​​ച്ച് പൊ​​തി​​ഞ്ഞ് ച​​ണ​​നൂ​​ൽ ഉ​​പ​​യോ​​ഗി​​ച്ച് കെ​​ട്ടി​​മു​​റു​​ക്കി സുരക്ഷിതമാക്കി. ആ​​റു മാസത്തിനകം, മ​​രം ത​​ളി​​ർ​​ത്ത് പൂ​​ർ​​വ സ്ഥി​​തി​​യി​​ലേ​​ക്ക് എ​​ത്തും എന്നാണ് പ്രതീക്ഷിക്കുന്നത് എന്ന് വൃ​​ക്ഷ വൈദ്യൻ ​​ കെ. ബിനു പറഞ്ഞു.
.
വൃ​​ക്ഷ​​വൈ​​ദ്യ​​ൻ കെ. ​​ബി​​നു​​വി​​ന്‍റെ നേ​​തൃ​​ത്വ​​ത്തി​​ൽ സം​​സ്ഥാ​​ന​​ത്തി​​ന​​ക​​ത്തും പു​​റ​​ത്തു​​മാ​​യി 43 മ​​ര​​ങ്ങ​​ൾ​​ക്ക് ഇ​​പ്ര​​കാ​​രം ചി​​കി​​ത്സ ന​​ട​​ത്തി പൂ​​ർ​​വ​​സ്ഥി​​തി​​യി​​ലാ​​ക്കി​​യി​​ട്ടു​​ണ്ട്. പൊ​​ത്തു വീ​​ണ് അ​​പ​​ക​​ട​​സ്ഥി​​തി​​യി​​ലാ​​യ തൊ​​ടു​​പു​​ഴ ധ​​ന്വ​​ന്ത​​രി ആ​​യു​​ർ​​വേ​​ദ ഫാ​​ർ​​മ​​സി​​യി​​ലെ 125 വ​​ർ​​ഷം പ​​ഴ​​ക്ക​​മു​​ള്ള നെ​​ല്ലി​​മ​​രം, ഇ​​ടി​​മി​​ന്ന​​ലി​​ൽ പ​​രി​​ക്കേ​​റ്റ പൊ​​ൻ​​കു​​ന്നം പു​​തി​​യ കാ​​വ് ക്ഷേ​​ത്ര​​ത്തി​​നു സ​​മീ​​പ​​മു​​ള്ള പ്ലാ​​വ് എ​​ന്നി​​വ ബി​​നു​​വി​​ന്‍റെ ചി​​കി​​ത്സ​​യി​​ലൂ​​ടെ പൂ​​ർ​​വ സ്ഥി​​തി​​യി​​ലാ​​യി​​ട്ടു​​ണ്ട്.

അതിജീവനത്തിനായി കേഴുന്ന മഴമരത്തിനു പിന്തുണയുമായി എത്തിയ പ്രകൃതി സ്നേഹികളുടെ കാരുണ്യത്താൽ മഴമരം തിടനാട് ഗ്രാമത്തിന്റെ അഭിമാന ചിഹ്നമായി, നാട്ടുകാർക്ക് തണലേകി, നിരവധി പക്ഷികൾക്കും, മറ്റു ജീവികൾക്കും അഭയസ്ഥാനമായി ഏറെനാൾ അവിടെ ഉണ്ടായിരിക്കും എന്നു തന്നെയാണ് നാട്ടുകാർ പ്രതീക്ഷിക്കുന്നത്.