പൊന്‍കുന്നത്ത് ബി ജെ പി ശബരിമല സംരക്ഷണ മാര്‍ച്ച് നടത്തി

പൊന്‍കുന്നത്ത്  ബി ജെ പി ശബരിമല സംരക്ഷണ മാര്‍ച്ച് നടത്തി

പൊന്‍കുന്നം: പാലാ മുതല്‍ എരുമേലി വരെയുള്ള ഇടത്താവളങ്ങളെ തകര്‍ക്കുവാനും പരമ്പരാഗത പാത തകര്‍ത്ത് അതിലൂടെ കോടിക്കണക്കായ അയ്യപ്പഭക്തരുടെ സുരക്ഷയ്ക്കും വിശ്വാസത്തിനും ക്ഷതം ഏല്‍പ്പിക്കുന്നതിനും കേരളത്തിലെ ഭരണവര്‍ഗ്ഗം നടത്തുന്ന നീചമായ നീക്കങ്ങള്‍ അവസാനിപ്പിച്ച് പരമ്പരാഗത പാത എത്രയും വേഗം ഗതാഗത യോഗ്യമാക്കണമെന്നാവശ്യപ്പെട്ടുകൊണ്ട് ബിജെപി ശബരിമല സംക്ഷണ മാര്‍ച്ച് നടത്തി.

മാര്‍ച്ച് പൊന്‍കുന്നത് ബി.ജെ.പി ജില്ലാ ജനറല്‍ സെക്രട്ടറി എന്‍.ഹരി ഉദ്ഘാടനം ചെയ്തു. പാലാ നിയോജകമണ്ഡലം പ്രസിഡന്റ് മോഹനന്‍ പനക്കല്‍, കാഞ്ഞിരപ്പള്ളി നിയോജകമണ്ഡലം പ്രസിഡന്റ് കെ.ജി. കണ്ണന്‍ എന്നിവര്‍ മാര്‍ച്ച് നയിച്ചു .

മണ്ഡലകാലം ആരംഭിക്കുന്നതിന് മുന്‍പ് പാലാ – പൊന്‍കുന്നം പരമ്പരാഗത അയ്യപ്പപാതയുടെ അറ്റകുറ്റപണി നടത്തി ഗതാഗതയോഗ്യമാക്കുന്നതിനുപകരം അയ്യപ്പഭക്തരേയും ജനങ്ങളെയും മന:പൂര്‍വ്വം ഉപദ്രവിക്കുന്നതിനുവേണ്ടി നിരവധി സ്ഥലങ്ങളില്‍ കലുങ്കുകള്‍ക്കായി റോഡു കുഴിച്ചിടുകയും ഇരുവശങ്ങളിലും ഗതാഗതം തടസ്സപ്പെടുംവിധം മണ്ണും കല്ലും റോഡിലേയ്ക്കിറക്കി നിക്ഷേപിക്കുകയും ചെയ്തരിക്കുന്നതായും, ഈ ജോലി മണ്ഡലകാലത്തു തന്നെ തുടങ്ങിയതില്‍ ദുരൂഹതയുണ്ടെന്ന് എന്നും ബിജെപി ആരോപിച്ചു.

മണ്ഡലകാലം ആരംഭിക്കുമ്പോള്‍ മുല്ലപ്പെരിയാര്‍ പ്രശ്‌നം ഉയര്‍ത്തി ശബരിമല തീര്‍ത്ഥാടനത്തെ തടസ്സപ്പെടുത്തുന്നപോലെയുള്ള ഗൂഢലക്ഷ്യം ഇതിനുമുണ്ടോയെന്ന് സംശയിക്കുന്നതായി ബി ജെ പി നേതാക്കൾ പറഞ്ഞു . ഈ പരമ്പരാഗത പാതയ്ക്ക് പകരം പുതിയ പാതകള്‍ തുറന്ന് അയ്യപ്പന്മാരുടെ കാണിയ്ക്ക തട്ടിയെടുക്കാനുള്ള ഭരണ വര്‍ഗത്തിന്റെ ഗൂഢലക്ഷ്യമാണ് ഇതിനുപിന്നിലുള്ളതായി സംശയിക്കുന്നു എന്നും നേതാക്കൾ ആരോപിച്ചു .

2-web-bjp-march-at-ponkunnam

3-web-bjp-march-at-ponkunnam

6-web-bjp-march-at-ponkunnam

1-web-b-j-p-march-at-ponkunnam

8-web-bjp-march-at-ponkunnam