കോരുത്തോട് കോസടിയിൽ കാർ നിയന്ത്രണം വിട്ട് ഇലക്ട്രിക് പോസ്റ്റിലിടിച്ച് വീടിന് മുകളിലേക്ക് മറിഞ്ഞ് ഒരാൾ മരിച്ചു

കോരുത്തോട് – മുണ്ടക്കയം പാതയിൽ കോരുത്തോട് കോസടി ഷാപ്പുപടിയിൽ, ഞായറാഴ്ച ഉച്ചകഴിഞ്ഞ് രണ്ടരയോടെ ഉണ്ടായ അപകടത്തിൽ കോരുത്തോട് കൊച്ചു തെക്കേൽ ജോജി സെബാസ്റ്റ്യൻ (47) മരിച്ചു. ജോജി ഓടിച്ചിരുന്ന കാർ ഇറക്കത്തിൽ നിയന്ത്രണം വിട്ട് ഇലക്ട്രിക് പോസ്റ്റിലിടിച്ചു താഴ്ചയിലെ വീടിന് മുകളിൽ പതിക്കുകയായിരുന്നു.

അപകടത്തിൽ പരിക്കേറ്റ ജോജിയെ മുണ്ടക്കയത്തെ സ്വകാര്യാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കോരുത്തോട് പള്ളിപ്പടി സെന്റ്.ജോർജ് ബേക്കറിയുടെ ഉടമയാണ് ജോജോ സെബാസ്റ്റ്യൻ.

ഭാര്യ : റീന ( കോരുത്തോട് സെന്റ് ജോർജ് പബ്ലിക് സ്കൂളിലെ അധ്യാപിക)
മക്കൾ: ഹന്ന, ആൻജലിക്