വാൻ നിയന്ത്രണം തെറ്റി വൈദ്യുതിപോസ്റ്റ് തകർത്ത് റോഡിൽ മറിഞ്ഞു
എരുമേലി: വാൻ നിയന്ത്രണം തെറ്റി വൈദ്യുതിപോസ്റ്റ് തകർത്ത് റോഡിൽ മറിഞ്ഞു. ഡ്രൈവറും ഒപ്പമുണ്ടായിരുന്ന ആളും ചെറിയ പരിക്കുകളോടെ രക്ഷപ്പെട്ടു. ചൊവ്വാഴ്ച വൈകീട്ട് അഞ്ചുമണിയോടെ മഴസമയത്ത് എരുമേലി-റാന്നി സംസ്ഥാനപാതയിൽ കരിങ്കല്ലുംമൂഴിക്ക് സമീപമാണ് അപകടം. ചങ്ങനാശേരി മാമ്മൂട് ഭാഗത്തുനിന്ന്‌ കോളയുമായി എരുമേലിയിൽ വിതരണത്തിനുശേഷം മടങ്ങുംവഴിയാണ് അപകടമുണ്ടായത്.
പ്രധാന പാതയിൽ ഗതാഗതം തടസ്സപ്പെട്ടതിനെ തുടർന്ന് റാന്നി ഭാഗത്തേക്കുള്ള വാഹനങ്ങൾ കരിമ്പിൻതോട് സമാന്തരപാത വഴിയും മുക്കൂട്ടുതറ ഭാഗത്തേക്കുള്ള വാഹനങ്ങൾ പ്രപ്പോസ് വഴിയും പോലീസ് തിരിച്ചുവിട്ടു.
