ക​ന​ത്ത മ​ഴയിൽ കാ​ഞ്ഞി​ര​പ്പ​ള്ളി മേ​ഖ​ല​യി​ൽ വൻ നാ​ശ​ന​ഷ്ടം

കാ​ഞ്ഞി​ര​പ്പ​ള്ളി: ര​ണ്ടു ദി​വ​സ​മാ​യി നിർത്താതെ തു​ട​രു​ന്ന കനത്ത മ​ഴ​യി​ൽ കാ​ഞ്ഞി​ര​പ്പ​ള്ളി മേ​ഖ​ല​യി​ലെ വി​വി​ധ​ പ്രദേശങ്ങളിൽ വലിയ നാ​ശ​ന​ഷ്ടം ആണുണ്ടായിരിക്കുന്നത് . മഴയൊപ്പം എത്തിയ ശക്തമായ കാറ്റിൽ വീ​ടു​ക​ൾ​ക്കു മു​ക​ളി​ൽ മ​ര​ങ്ങ​ൾ വീ​ണു വീടുകൾ ഭാഗികമായി തകർന്നു.. പലയിടത്തും കൃ​ഷി​നാ​ശ​വു​മു​ണ്ട്. പലയിടത്തും വീടുകളുടെ സംരക്ഷണഭിത്തി ഇടിഞ്ഞുവീണു. കിണർ ഇടിഞ്ഞുതാണതായി പലയിടത്തുനിന്നും റിപ്പോർട്ട് ഉണ്ട്.
മ​ല​യോ​ര​മേ​ഖ​ല​യി​ൽ നി​ല​യ്ക്കാ​തെ പെ​യ്യു​ന്ന മ​ഴ​യെ തു​ട​ർ​ന്ന് മ​ല​യി​ടി​ച്ചി​ൽ ഉ​രു​ൾ​പൊ​ട്ട​ൽ ഭീ​തി​യി​ലാ​ണ് പ്ര​ദേ​ശ​വാ​സി​ക​ൾ.

കാ​ഞ്ഞി​ര​പ്പ​ള്ളി ത​മ്പ​ല​ക്കാ​ട് താ​മ​ര​ശേ​രി​പ്പ​ടി​ക്ക് സ​മീ​പം അ​ന്തി​ക്കാ​ട്ട് ജോ​സി​ന്‍റെ വീ​ടി​ന്‍റെ സം​ര​ക്ഷ​ണ ഭി​ത്തി ത​ക​ര്‍​ന്നു. ആ​റ​ടി​യോ​ളം വ​രു​ന്ന ക​രി​ങ്ക​ല്‍ കെ​ട്ടാ​ണ് ത​ക​ര്‍​ന്ന​ത്. ഇ​ന്ന​ലെ രാ​വി​ലെ 11 ഓ​ടെ​യാ​ണ് സം​ഭ​വം. സം​ര​ക്ഷ​ണ​ഭി​ത്തി ത​ക​ര്‍​ന്ന​ത് സ​മീ​പ​ത്തെ കൊ​ട്ടാ​ര​ത്തി​ല്‍ ജ​യ​ച​ന്ദ്ര​ന്‍റെ വീ​ടി​നും ഭീ​ഷ​ണി​യാ​യി. വീ​ട്ടു​മു​റ്റ​ത്തെ കി​ണ​റും അ​പ​ക​ടാ​വ​സ്ഥ​യി​ലാ​യി. കി​ണ​റി​ടി​ഞ്ഞാ​ല്‍ വെ​ള്ളം കു​ത്തി​യൊ​ഴു​കി സ​മീ​പ​ത്തെ വീ​ടി​നും ഭീ​ഷ​ണി​യാ​കും. പ​ഞ്ചാ​യ​ത്തം​ഗം ബേ​ബി വ​ട്ട​യ്ക്കാ​ടും റ​വ​ന്യു, ഫ​യ​ര്‍​ഫോ​ഴ്‌​സ് അ​ധി​കൃ​ത​രും സ്ഥ​ല​ത്തെ​ത്തി.

ഏ​ന്ത​യാ​ർ മേ​ഖ​ല​യി​ലു​ണ്ടാ​യ ക​ന​ത്ത മ​ഴ​യി​ൽ ക​ന​ക​പു​രം ചെ​രു​വി​ൽ തോ​മാ​ച്ച​ന്‍റെ വീ​ടി​ന്‍റെ സം​ര​ക്ഷ​ണ​ഭി​ത്തി ത​ക​ർ​ന്നു. ചി​റ്റ​ടി ചി​റ​യ്ക്ക​പ​റ​ന്പി​ൽ സി.​എ​ൻ. പൊ​ന്ന​പ്പ​ന്‍റ വീ​ടി​ന്‍റെ സം​ര​ക്ഷ​ണ ഭി​ത്തി​യും ഇ​ടി​ഞ്ഞു വീ​ണു.

മ​ല​യോ​ര​മേ​ഖ​ല​യി​ൽ നി​ല​യ്ക്കാ​തെ പെ​യ്യു​ന്ന മ​ഴ​യെ തു​ട​ർ​ന്ന് മ​ല​യി​ടി​ച്ചി​ൽ ഉ​രു​ൾ​പൊ​ട്ട​ൽ ഭീ​തി​യി​ലാ​ണ് പ്ര​ദേ​ശ​വാ​സി​ക​ൾ. കൂ​ട്ടി​ക്ക​ൽ വി​ല്ലേ​ജി​ലും, മ​ണി​മ​ല​യാ​റി​ന്‍റെ തീ​ര​ത്തു താ​മ​സി​ക്കു​ന്ന​വ​ർ​ക്കും ജാ​ഗ്ര​താ നി​ർ​ദേ​ശം ന​ൽ​കി. അ​ടി​യ​ന്ത​ര​ഘ​ട്ട​ങ്ങ​ളി​ൽ സു​ര​ക്ഷ​യൊ​രു​ക്കാ​ൻ റ​വ​ന്യൂ​വ​കു​പ്പും എ​മ​ർ​ജ​ൻ​സ് റെ​സ്പോ​ണ്‍​സ് ടീ​മും സ​ജ്ജ​മാ​ണെ​ന്നു അ​ധി​കൃ​ത​ർ അ​റി​യി​ച്ചു.

കൂ​ട്ടി​ക്ക​ൽ വി​ല്ലേ​ജി​ൽ അ​ടി​യ​ന്ത​ര സാ​ഹ​ച​ര്യ​മു​ണ്ടാ​യാ​ൽ ആ​ളു​ക​ളെ മാ​റ്റി​പ്പാ​ർ​പ്പി​ക്കു​ന്ന​തി​നു ര​ണ്ടു സ്കൂ​ളു​ക​ൾ സ​ജ്ജ​മാ​ക്കി. കൂ​ട്ടി​ക്ക​ൽ സെ​ന്‍റ് ജോ​ർ​ജ് ഹൈ​സ്കൂ​ൾ, ഏ​ന്ത​യാ​ർ ജെ.​ജെ. മ​ർ​ഫി മെ​മ്മോ​റി​യ​ൽ സ്കൂ​ൾ എ​ന്നീ സ്കൂ​ളു​ക​ളാ​ണു ദു​രി​താ​ശ്വാ​സ ക്യാ​ന്പി​നാ​യി സ​ജ്ജ​മാ​ക്കി​യി​ട്ടു​ള്ള​ത്. കാ​ഞ്ഞി​ര​പ്പ​ള്ളി പ​ഞ്ചാ​യ​ത്ത് കൊ​ര​ട്ടി​യി​ലും ആ​ന​ക്ക​ല്ലി​ലും സൗ​ക​ര്യം ഒ​രു​ക്കി. കൊ​ര​ട്ടി സെ​ന്‍റ് ജോ​സ​ഫ് പ​ള്ളി പാ​രി​ഷ് ഹാ​ൾ, ആ​ന​ക്ക​ല്ല് ഗ​വ​ൺ​മെ​ന്‍റ് എ​ൽ​പി സ്കൂ​ൾ ഹാ​ൾ എ​ന്നി​വി​ട​ങ്ങ​ളി​ലാ​ണ് സൗ​ക​ര്യം ഒ​രു​ക്കി​യു​ട്ട​ള്ള​ത്. അ​ടി​യ​ന്ത​ര സാ​ഹ​ച​ര്യ​മു​ണ്ടാ​യാ​ൽ പു​ഴ​യോ​ടു ചേ​ർ​ന്ന് താ​മ​സി​ക്കു​ന്ന​വ​രെ ഇ​വി​ടേ​ക്ക് മാ​റ്റി​പ്പാ​ർ​പ്പി​ക്കു​മെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റ് കെ.​ആ​ർ. ത​ങ്ക​പ്പ​ൻ അ​റി​യി​ച്ചു. ഹെ​ൽ​പ്പ് ഡെ​സ്ക് ന​മ്പ​ർ: 9995748502, 9562928502.

ചി​റ​ക്ക​ട​വ്: കാ​റ്റി​ലും മ​ഴ​യി​ലും ചെ​റു​വ​ള്ളി മേ​ഖ​ല​യി​ൽ ക​ന​ത്ത നാ​ശം. വീ​ടു​ക​ൾ​ക്കു മു​ക​ളി​ൽ മ​ര​ങ്ങ​ൾ വീ​ണു. കൃ​ഷി​നാ​ശ​വു​മു​ണ്ട്. ചെ​റു​വ​ള്ളി പ​രു​ത്തി​പ​ള്ളി​ക്കു​ന്നേ​ൽ അ​ന്ന​മ്മ, പു​തു​പ്പ​റ​മ്പി​ൽ ര​ഘു​നാ​ഥ​ൻ നാ​യ​ർ, മ​രു​ത​നാ​ക്കു​ന്നേ​ൽ എം.​ജി.​മ​ധു, കൊ​ച്ചു​പു​ര​ക്ക​ൽ ആ​ർ.​ശ്രീ​ജി​ത്ത്, മൂ​ല​ക്കാ​ട്ട് എം.​ജി.​ലേ​ഖ എ​ന്നി​വ​രു​ടെ വീ​ടു​ക​ൾ​ക്ക് മ​ര​ങ്ങ​ൾ വീ​ണ് നാ​ശ​മു​ണ്ടാ​യി.

മ​ഞ്ഞ​പ്പ​ള്ളി​ക്കു​ന്ന് മൂ​ലേ​പ്പ​റ​മ്പി​ൽ കെ.​ജി. ദി​വാ​ക​ര​ൻ നാ​യ​ർ, ചെ​റു​വ​ള്ളി ന​ടു​വി​ലേ​ത്ത​റ​യി​ൽ എ​ൻ.​എ. ജോ​ൺ എ​ന്നി​വ​രു​ടെ വാ​ഴ, ക​പ്പ കൃ​ഷി ന​ശി​ച്ചു. നാ​ശ​ന​ഷ്ട​മു​ണ്ടാ​യ സ്ഥ​ല​ങ്ങ​ൾ ചി​റ​ക്ക​ട​വ് പ​ഞ്ചാ​യ​ത്ത് പ്ര​സി​ഡ​ന്‍റ് സി.​ആ​ർ. ശ്രീ​കു​മാ​ർ, പ​ഞ്ചാ​യ​ത്തം​ഗ​ങ്ങ​ളാ​യ എം.​ജി. വി​നോ​ദ്, ഗോ​പി പാ​റാം​തോ​ട്, അ​ഭി​ലാ​ഷ് ബാ​ബു, വി​ല്ലേ​ജ് ഓ​ഫീ​സ​ർ സി. ​അ​മ്പി​ളി, സ്‌​പെ​ഷ​ൽ വി​ല്ലേ​ജ് ഓ​ഫീ​സ​ർ എം.​പി. ശ്രീ​കു​മാ​ർ എ​ന്നി​വ​ർ സ​ന്ദ​ർ​ശി​ച്ചു.

ചെ​റു​വ​ള്ളി കാ​വും​ഭാ​ഗം ളാ​ഹ​യി​ൽ മു​ര​ളീ​ധ​ര​ൻ നാ​യ​രു​ടെ വീ​ടി​ന്‍റെ സം​ര​ക്ഷ​ണ​ഭി​ത്തി മ​ഴ​യി​ൽ ഇ​ടി​ഞ്ഞു വീ​ണു. വീ​ട് അ​പ​ക​ടാ​വ​സ്ഥ​യി​ലാ​ണ്. റോ​ഡ് ന​വീ​ക​ര​ണ​ത്തി​ന്‍റെ ഭാ​ഗ​മാ​യി മ​ണ്ണ് നീ​ക്കം ചെ​യ്‌​തോ​ടെ വീ​ടി​ന്‍റെ സം​ര​ക്ഷ​ണ ഭി​ത്തി​യു​ടെ ഒ​രു ഭാ​ഗം നേ​ര​ത്തെ ഇ​ടി​ഞ്ഞു താ​ഴ്ന്നി​രു​ന്നു.

മ​തി​ൽ ഇ​ടി​ഞ്ഞ് വീ​ണ് പൊ​ൻ​കു​ന്നം പ​ഴ​യ​ച​ന്ത ചെ​ങ്ങാ​ലി​ക്കു​ഴി​യി​ൽ പി.​എ. മാ​ത്യു പു​ന്ന​ത്താ​ന​ത്തി​ന്‍റെ വീ​ട്ടു​മു​റ്റ​ത്തെ കി​ണ​ർ ഉ​പ​യോ​ഗ​ശൂ​ന്യ​മാ​യി. വെ​ള്ളി​യാ​ഴ്ച രാ​ത്രി​യി​ലു​ണ്ടാ​യ ശ​ക​ത​മാ​യ മ​ഴ​യി​ലാ​ണ് മ​തി​ൽ നി​ലം​പൊ​ത്തി​യ​ത്. വാ​ർ​ഡ് മെം​ബ​ർ ഷാ​ക്കി സ​ജീ​വി​ന്‍റെ നേ​തൃ​ത്വ​ത്തി​ൽ സ​മീ​പ​ത്തെ വീ​ട്ടി​ൽ നി​ന്നും പൈ​പ്പ് വ​ഴി കു​ടി​വെ​ള്ളം എ​ത്തി​ക്കു​ന്ന​തി​നു​ള്ള സം​വി​ധാ​നം ഏ​ർ​പ്പെ​ടുത്തി.