ആദ്യകാല കുടിയേറ്റ കർഷകൻ കുളപ്രത്താഴെ ജോസഫ് ജോൺ (89) നിര്യാതനായി ; ഓർമയായത് മുക്കൂട്ടുതറയിലെ ആദ്യകാല വ്യാപാരി

എരുമേലി ∙ ആദ്യകാല കുടിയേറ്റ കർഷകനും മുക്കൂട്ടുതറ മർച്ചന്റ് അസോസിയേഷന്റെ സ്ഥാപകനുമായ ക ൊല്ലമുള 70 ഏക്കർ കുളപ്രത്താഴെ ജോസഫ് ജോൺ (89) ഓർമയായി. 1960 കളിൽ കർഷകനായി എത്തി മുക്കൂട്ടുതറയുടെ സമസ്ത മേഖലകളിലും വികസനത്തിൽ ശ്രദ്ധേയമായ സംഭാവനകൾ നൽകിയ ജോസഫ് ജോൺ ഇന്നലെയാണ് അന്തരിച്ചത്. സംസ്കാരം ഇന്ന് 11.30 ന് കൊല്ലമുള സെന്റ് മരിയ ഗൊരേത്തി പള്ളിയിൽ നടക്കും.

70 കളുടെ മധ്യത്തിൽ മുക്കൂട്ടുതറ ട്രേഡേഴ്സ് എന്ന പേരിൽ ജോസഫ് ജോൺ വ്യാപാരം ആരംഭിച്ചു.1982 ൽ മുക്കൂട്ടുതറ മർച്ചന്റ് അസോസിയേഷൻ എന്ന സ്വതന്ത്ര വ്യാപാര സംഘടനയ്ക്ക് രൂപം നൽകി. സ്ഥാപക പ്രസിഡന്റായും കാൽ നൂറ്റാണ്ടോളം സംഘടനയുടെ അമരക്കാരനായും പ്രവർത്തിച്ചു. നിലവിൽ രക്ഷാധികാരിയായി പ്രവർത്തിച്ചു വരികയായിരുന്നു. വെൺകുറിഞ്ഞി സർവീസ് സഹകരണ ബാങ്കിന്റെ ബോർഡ് അംഗവും, റബർ ഡീലേഴ്സ് മുൻ ജില്ലാ വൈസ് പ്രസിഡന്റും ആയിരുന്നു. ജോസഫ് ജോൺ കുളപ്രത്താഴെയുടെ നിര്യാണത്തിൽ വ്യാപാരി വ്യവസായി ഏകോപന സമിതി യൂണിറ്റ് കമ്മിറ്റി അനുശോചിച്ചു, പ്രസിഡന്റ് സി.ജെ. അജിമോൻ അനുശോചന പ്രമേയം അവതരിപ്പിച്ചു. ജനറൽ സെക്രട്ടറി എം.സി. ജോബി, വൈസ് പ്രസിഡന്റ് ബെന്നി മങ്കന്താനം, ട്രഷറ ർ എസ്. സാബു, സെക്രട്ടറി ലിജോ ജോസഫ് എന്നിവർ പ്രസംഗിച്ചു.