വീട്ടിൽ വളർത്തിയിരുന്ന രണ്ട് ആടുകളെ അജ്ഞാത ജീവി കടിച്ചു കൊന്ന് ഭക്ഷിച്ച നിലയില്‍ കണ്ടെത്തി.
പൊന്‍കുന്നം: പൊൻകുന്നം അട്ടിക്കല്‍ കവല പൊടിമറ്റത്തില്‍ സോണിയുടെ വീട്ടിലെ രണ്ട് ആടുകളെ കടിച്ചു കൊന്ന് ഭക്ഷിച്ച നിലയില്‍ കണ്ടെത്തി. എന്തുതരം ജീവിയാണ് ആടുകളെ ആക്രമിച്ചതെന്ന് കണ്ടെത്തുവാനായില്ല . അതിനാൽ തന്നെ പ്രദേശവാസികൾ ഭീതിയിലാണ്.
ബുധനാഴ്ച രാവിലെയാണ് ചത്ത നിലയില്‍ ആടുകളെ കണ്ടെത്തിയത്. ഒരാടിനെ പകുതിയോളം അജ്ഞാത ജീവി കൊന്നു ഭക്ഷിച്ചിട്ടുണ്ട്. മാരകമായ മുറിവുകളാണ് ആടുകളുടെ ദേഹത്തുള്ളത്. അജ്ഞാതജീവിയുടെ കാല്പാടുകൾ കണ്ടെത്തിയിട്ടുണ്ട്. വിദഗ്ദർ ഉടൻതന്നെ സ്ഥലം സന്ദർശിക്കുമെന്നാണ് കരുതപ്പെടുന്നത്.