“വോട്ട് ചെയ്യുവാൻ മറക്കരുതേ.. ” വോട്ട് പാട്ടുമായി സെറ മറിയം തോമസ്..

പൊൻകുന്നം : സ്ഥാനാർത്ഥികളുടെ വോട്ടു തേടിയുള്ള പാട്ടുകൾ കേട്ട് ബോറടിച്ചിരിക്കുന്നവർക്ക്, ഇതാ ഒരു വ്യത്യസ്തമായ ഗാനം. വോട്ട് ചെയ്യുവാൻ പോകുമ്പോൾ ശ്രദ്ധിക്കേണ്ട കാര്യങ്ങൾ വോട്ടർമാരെ ഒരു ഗാനത്തിലൂടെ ഓർമ്മിപ്പിക്കുകയാണ് അധ്യാപക ദമ്പതികളായ തോമസ് പടിയറയുടെയും സോണറ്റിന്റെയും മകൾ സെറ മറിയം തോമസ്. മകൾക്കു വേണ്ടി, പാട്ടിന്റെ വരികൾ അതിമനോഹരമായി രചിച്ചത് തോമസ് പടിയറയാണ്.

AKJ M സ്കൂളിലെ മൂന്നാം ക്ലാസ് വിദ്യാർത്ഥിനിയായ സെറ ലോക്ക്ഡൗൺ കാലത്ത് പാട്ട്, പാചകം, കൃഷി educational videos ഉൾപ്പെടുന്ന നിരവധി വീഡിയോകൾ youtube-ൽ upload ചെയ്തിട്ടുണ്ട്.
കാഞ്ഞിരപ്പള്ളി സെന്റ് ഡൊമിനിക്‌സ് സ്‌കൂളിലെ ഗണിതാധ്യാപകനായ പിതാവ് തോമസ് പടിയറയും, സൈക്കോളജി അധ്യാപികയായ ‘അമ്മ സോണറ്റും സെറയുടെ കഴിവുകൾ പ്രോത്സാഹിപ്പിക്കുവാൻ ഒപ്പമുണ്ട്. സ്കൂളിൽ നിന്നും അധ്യാപകരുടെയും പ്രിൻസിപ്പാളിന്റെയും അകമഴിഞ്ഞ പ്രോത്സാഹനം സെറയ്ക്ക് കൂടുതൽ ആത്മവിശ്വാസം നൽകുന്നുണ്ട്.