കാഞ്ഞിരപ്പള്ളി നിയോജകമണ്ഡലത്തിലെ വിവിധ ഗ്രാമീണറോഡുകളുടെ പുനരുദ്ധാരണത്തിന് 1.44 കോടി അനുവദിച്ചതായി എൻ.ജയരാജ് എം.എൽ.എ. അറിയിച്ചു.

പ്രകൃതിക്ഷോഭത്തിൽ തകർന്ന റോഡുകളുടെ പട്ടിക തയ്യാറാക്കി ദുരന്തനിവാരണ വകുപ്പിന് നൽകിയതിന്റെ അടിസ്ഥാനത്തിലാണ് നടപടി. 

കങ്ങഴ പഞ്ചായത്തിലെ എം.എൽ.എ.പടി-പുളിക്കൽകവല റോഡ് 10-ലക്ഷം, പത്തനാട്-നടുവേലിപ്പടി-ചൂരക്കുന്ന് റോഡ് 10 ലക്ഷം. ചിറക്കടവ് പഞ്ചായത്തിലെ തകിടിയേൽപടി-വില്ലൻചിറ-മണ്ണാറക്കയം റോഡ് 10-ലക്ഷം രൂപ. പള്ളിക്കത്തോട് പഞ്ചായത്തിലെ പുളിയാനിക്കര-ചപ്പാത്ത് റോഡ് നാലുലക്ഷം, അടുക്കാട്ടിൽ-ഒന്നാംമൈൽ റോഡ് അഞ്ചുലക്ഷം, മന്ദിരം-നിർമല ആശുപത്രി റോഡ് 10-ലക്ഷം. വാഴൂർ പഞ്ചായത്തിലെ പതിനേഴാംമൈൽ-നരിയാങ്കൽ റോഡ് 10-ലക്ഷം, പതിനേഴാംമൈൽ-കുറുക്ക്‌റോഡ് 10-ലക്ഷം, കറുകച്ചാൽ പഞ്ചായത്തിലെ കാഞ്ഞിരത്തുങ്കൽ-തെങ്ങമറ്റം 10-ലക്ഷം, കാഞ്ഞിരത്തുങ്കൽ-രാജമറ്റംപള്ളി റോഡ് 10-ലക്ഷം. നെടുംകുന്നം പഞ്ചായത്തിലെ അങ്കണവാടി-കവളിമാക്കൽ റോഡ് രണ്ടുലക്ഷം, പത്തായപ്പാറ-ചക്കണാംപൊയ്ക മൂന്നുലക്ഷം, കാഞ്ഞിരപ്പള്ളി പഞ്ചായത്തിലെ തമ്പലക്കാട്-ചേപ്പുംപാറ 10-ലക്ഷം, മൂലംപുഴപടി-ഏറികാട് 10-ലക്ഷം, വെള്ളാവൂർ പഞ്ചായത്തിലെ കാടംകുളം-താഴത്തുവടകര 10-ലക്ഷം, മുടിമല-പൊട്ടുകുളം 10-ലക്ഷം രൂപ വീതമാണ് അനുവദിച്ചത്. ടെൻഡർ നടപടികൾ പൂർത്തിയാക്കിയാലുടൻ നിർമാണം ആരംഭിക്കുമെന്ന് എം.എൽ.എ. അറിയിച്ചു