പുതുവർഷ സന്ദേശവും സമ്മാനങ്ങളുമായി അധ്യാപകർ വിദ്യാർത്ഥിയുടെ വീട്ടിലേയ്ക്ക്..

കാഞ്ഞിരപ്പള്ളി :- പുതിയ അധ്യയന വർഷം ആരംഭിച്ചിട്ടും സ്കൂളിൽ എത്താൻ സാധിക്കാത്ത കുട്ടികളിൽ പുതു പ്രതീക്ഷ നൽകിക്കൊണ്ട് ആനക്കല്ല് സെന്റ് ആന്റണിസ് പബ്ലിക് സ്കൂളിലെ പ്രിൻസിപ്പൽ ഫാ.ജോഷി സെബാസ്റ്റ്യനും വൈസ് പ്രിൻസിപ്പൽ ഫാ.മനു കെ.മാത്യുവും രണ്ടാം ക്ലാസ്സിലെ അയോണ പി.ബിനോയുടെ വീട്ടിലെത്തി പ്രവേശനോത്സവം ദീപ്ത സുന്ദരമാക്കി.

കോവിഡിന്റെ പശ്ചാത്തലത്തിൽ ഒരു പ്രവേശനോത്സവം നടത്താൻ കഴിയാത്ത സാഹചര്യത്തിലാണ്, പ്രതീകാത്മകമായി ഇങ്ങനെയൊരു വ്യത്യസ്തമായ പ്രവേശനോത്സവം നടത്തിയത്. അയോണയ്ക്ക് പുസ്തകങ്ങളും മിഠായിയും സമ്മാനമായി നൽകുകയും എല്ലാ കുട്ടികളുടെയും പേരിൽ സ്വാഗതം ആശംസിക്കുകയും ചെയ്തു. പ്രവേശനോത്സവത്തോടനുബന്ധിച്ച് സ്കൂളിലെ എല്ലാ കുട്ടികളെയും പങ്കെടുപ്പിച്ചുകൊണ്ട് വെർച്വൽ മീറ്റിംഗും സംഘടിപ്പിച്ചിരുന്നു.