ഭിന്നശേഷി മികവുത്സവം– സദ്ഗമയ 25 ഏഞ്ചൽസ് എബിലിറ്റി ഫെസ്റ്റ് 22 മുതൽ

പൊൻകുന്നം: ബൗദ്ധിക വെല്ലുവിളികൾ നേരിടുന്നവരുടെ സർഗാത്മകതയും ക്രിയാശേഷിയും പ്രദർശിപ്പിക്കുന്നതിന് സംസ്ഥാനതലത്തിൽ ആദ്യമായി ഭിന്നശേഷി മികവുത്സവം– സദ്ഗമയ 25 ഏഞ്ചൽസ് എബിലിറ്റി ഫെസ്റ്റ് 22 മുതൽ 26 വരെ വാഴൂർ ചെങ്കൽ 19–ാം മൈൽ ഏഞ്ചൽസ് വില്ലേജിൽ നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.

കാഞ്ഞിരപ്പള്ളി രൂപതയുടെ നേതൃത്വത്തിലുള്ള വീ കെയർ സെന്റർ, ഏഞ്ചൽസ് വില്ലേജ്, സ്പെഷൽ സ്കൂളുകളുടെ സംസ്ഥാന സംഘടനയായ അസോസിയേഷൻ ഫോർ ദി ഇന്റലക്ച്വലി ഡിസേബിൾഡ്, എക്സെപ്ഷണൽ ലേണിങ്, കുട്ടിക്കാനം മരിയൻ കോളജ്, ചങ്ങനാശേരി അസംപ്ഷൻ കോളജ്, പാമ്പാടി സെന്റ് ഗിറ്റ്സ് കോളജ്, കൂവപ്പള്ളി അമൽജ്യോതി എൻജിനീയറിങ് കോളജ്, മുണ്ടക്കയം മെഡിക്കൽ ട്രസ്റ്റ് ആശുപത്രി, പ്രോ ലൈഫ് എന്നിവയുടെ നേതൃത്വത്തിൽ വാഴൂർ ബ്ലോക്ക് പഞ്ചായത്ത്, രക്ഷിതാക്കളുടെ സംഘടനയായ പി.എ.ഐ.ഡി. എന്നിവയുടെ സഹകരണത്തോടെയാണ് പരിപാടി സംഘടിപ്പിക്കുന്നത്.

          22ന് രാവിലെ 10.30ന് പൊൻകുന്നം തിരുഹൃദയ ദേവാലയം മുതൽ രാജേന്ദ്ര മൈതാനം വരെ നടത്തുന്ന ജാഥ കാഞ്ഞിരപ്പള്ളി എം.അനിൽകുമാർ ഫ്ലാഗ് ഓഫ് ചെയ്യും. ഫ്ലാഷ് മോബ്, തെരുവുനാടകം എന്നിവയും ഉണ്ടാകും.

23ന് രാവിലെ 9.30ന് ജില്ലാ കലക്ടർ ജോൺ വി.സാമുവൽ പതാക ഉയർത്തലും, എക്സിബിഷൻ ഉദ്ഘാടനവും നിർവഹിക്കും. 10ന് ഏകദിന ദേശീയ ഭിന്നശേഷി സെമിനാർ, വൈകിട്ട് 6ന് നക്ഷത്രസന്ധ്യ ഗവ.ചീഫ് വിപ് ഡോ.എൻ.ജയരാജിന്റെ അധ്യക്ഷതയിൽ മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. വാഴൂർ സോമൻ എം.എൽ.എ മുഖ്യപ്രഭാഷണം നടത്തും. ചലച്ചിത്ര നിർമാതാവ് ലിസി ഫെർണാണ്ടസ് മുഖ്യാതിഥിയായി പങ്കെടുക്കും. വൈകിട്ട് 7ന് സുനിൽ പ്രയാഗ് നയിക്കുന്ന മ്യൂസിക് ഈവ്, ശ്രവണ പരിമിതരുടെ നൃത്തം, ഹ്രസ്വകായരായവരുടെ കലാപരിപാടുകൾ.

       24ന് രാവിലെ 9.30 മുതൽ വൈകിട്ട് 7വരെ എക്സ്പോ പ്രദർശനം, വൈകിട്ട് 7മുതൽ നക്ഷത്രസന്ധ്യ. പ്രസീദ് ചാലക്കുടി നയിക്കുന്ന നാടൻ കലാസന്ധ്യ.
     25ന് രാവിലെ 9.30 മുതൽ പ്രദർശനം, ഉച്ചകഴിഞ്ഞ് 3ന് പരിവർത്തന സമ്മേളനം കാഞ്ഞിരപ്പള്ളി രൂപതാ മുൻ അധ്യക്ഷൻ മാർ മാത്യു അറയ്ക്കലിന്റെ അധ്യക്ഷതയിൽ മന്ത്രി റോഷി അഗസ്റ്റിൻ ഉദ്ഘാടനം ചെയ്യും. പുസ്തക പ്രകാശനം ചീഫ് വിപ് ഡോ.എൻ.ജയരാജും, സദ്ഗമയ ഡയറക്ടറിയുടെ പ്രകാശനം സംസ്ഥാന ഭിന്നശേഷി കമ്മിഷണർ ഡോ.പി.ടി.ബാബുരാജും നിർവഹിക്കും. സെബാസ്റ്റ്യൻ കുളത്തുങ്കൽ എംഎൽഎ മുഖ്യപ്രഭാഷണവും, ഫാ.റോയി കണ്ണംചിറ അനുഗ്രഹപ്രഭാഷണവും നടത്തും. തൊഴിൽ സംരംഭം വിശദീകരണം ഡോ.ജോഷി വി.ചെറിയാൻ നിർവഹിക്കും. വൈകിട്ട് 7ന് നക്ഷത്ര സന്ധ്യ, മറിയപ്പള്ളി ഗോപകുമാറിന്റെ സംഗീത കച്ചേരി, ഇൻഫാം കർഷക സമിതിയുടെ തെരുവുനാടകം, മരിയൻ അസംപ്ഷൻ കോളജ് വിദ്യാർഥികളുടെ കലാപരിപാടികൾ. 
 26ന് രാവിലെ 9ന് റിപബ്ലിക് ദിനാഘോഷം, ചീഫ് വിപ്.ഡോ.എൻ.ജയരാജ് പതാക ഉയർത്തും, റിപബ്ലിക് ദിന പരേഡ്. 9.30 മുതൽ പ്രദർശനം, ഉച്ചകഴിഞ്ഞ് 3ന് സമാപന സമ്മേളനവും, സദ്ഗമയ സേവാശ്രേഷ്ഠ പുരസ്കാര വിതരണവും കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കലിന്റെ അധ്യക്ഷതയിൽ മന്ത്രി വി.എൻ.വാസവൻ ഉദ്ഘാടനം ചെയ്യും. ചീഫ് വിപ് ഡോ.എൻ.ജയരാജ് മുഖ്യപ്രഭാഷണം നടത്തും. ആന്റോ ആന്റണി എംപി മുഖ്യാതിഥിയായി പങ്കെടുക്കും.

പത്രസമ്മേളനത്തിൽ ഏഞ്ചൽസ് വില്ലേജ് ഡയറക്ടർ ഫാ. റോയി മാത്യു വടക്കേൽ, പ്രിൻസിപ്പൽ സിസ്റ്റർ ലിറ്റി സേവ്യർ, എ.ഐ.ഡി. വൈസ് ചെയർമാൻ ബ്രഹ്മനായക മഹാദേവൻ, രാജൻ വർഗീസ്, ജോൺ തെങ്ങുംപള്ളി, സണ്ണി ജോസഫ് എന്നിവർ പങ്കെടുത്തു