എ​രു​മേ​ലി: കാ​ഞ്ഞി​ര​പ്പ​ള്ളി​യെ ന​ടു​ക്കി​യ ബ​സ് അ​പ​ക​ട​ത്തി​ന് ഇ​ന്ന​ലെ 50 ആ​ണ്ട്. കാ​ഞ്ഞി​ര​പ്പ​ള്ളി പ​ഞ്ചാ​യ​ത്ത്‌ ഓ​ഫീ​സി​നു സ​മീ​പ​ത്തെ വ​ള​വി​ൽ നി​ന്ന് 70 അ​ടി താ​ഴ്ച​യി​ൽ ചി​റ്റാ​ർ പു​ഴ​യി​ലേ​ക്കാ​ണ് പാ​ലാ​യി​ൽ നി​ന്ന് എ​രു​മേ​ലി​ക്ക് പു​റ​പ്പെ​ട്ട കെ​എ​ൽ​എ​ഫ് 1310 ന​മ്പ​റു​ള്ള ബ​സ് മ​റി​ഞ്ഞ​ത്. അ​പ​ക​ട​ത്തി​ൽ 12 വ​യ​സു​ള്ള കു​ട്ടി ഉ​ൾ​പ്പെ​ടെ 14 പേ​ർ മ​ര​ണ​പ്പെ​ടു​ക​യും 39 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു. 1972 ജ​നു​വ​രി നാ​ലി​നാ​യി​രു​ന്നു ന​ടു​ക്കി​യ ആ ​അ​പ​കടം.

അപകടത്തെ​ക്കു​റി​ച്ച് ഓ​ർ​ക്കു​മ്പോ​ൾ കൂ​വ​പ്പ​ള്ളി കു​ള​പ്പു​റം കൊ​ച്ചു​പ​റ​മ്പി​ൽ കു​ടും​ബ​ത്തി​ലെ അം​ഗ​ങ്ങ​ളു​ടെ മ​ന​സി​ലു​ണ്ട് ആ​ലീ​സ് ടീ​ച്ച​റു​ടെ പു​ഞ്ചി​രിതൂ​കുന്ന മു​ഖം. കാ​ഞ്ഞി​ര​പ്പ​ള്ളി സെ​ന്‍റ് ഡൊ​മി​നി​ക്സ് സ്കൂ​ളി​ലെ അ​ധ്യാ​പി​ക​യാ​യി​രു​ന്ന ആ​ലീ​സ് ടീ​ച്ച​ർ എ​ന്നും പ​തി​വ് പോ​ലെ സ്‌​കൂ​ളി​ലേ​ക്ക് പൊ​ൻ​കു​ന്നം സ്റ്റാ​ൻ​ഡി​ൽ നി​ന്നു പ​തി​വാ​യി പോ​യി​രു​ന്ന ബ​സാ​ണ് അ​ന്ന് അ​പ​ക​ട​ത്തി​ൽ​പ്പെ​ട്ട​ത്. അ​ന്ന് പ​തി​വു​പോ​ലെ സ്‌​കൂ​ളി​ലേ​ക്ക് പോ​കാ​ൻ ടീ​ച്ച​ർ ധൃ​തി​യി​ൽ ഓ​ടി​യെ​ത്തി​യ​പ്പോ​ഴേ​ക്കും സെ​ക്ക​ൻ​ഡു​ക​ളു​ടെ വ്യ​ത്യാ​സ​ത്തി​ൽ ബ​സ് ക​ട​ന്നു​പോ​യി​രു​ന്നു. 

ആ​ലീ​സ് ടീ​ച്ച​ർ പതിവായി സ​ഞ്ച​രി​ച്ചിരുന്ന ബ​സ് അ​പ​ക​ട​ത്തി​ൽ​പ്പെ​ട്ട​ത​റി​ഞ്ഞ് ബ​ന്ധു​ക്ക​ൾ സ്കൂ​ളി​ൽ അ​ന്വേ​ഷി​ച്ച​പ്പോ​ൾ ടീ​ച്ച​ർ എ​ത്തി​യി​ട്ടി​ല്ലെ​ന്ന് അ​റി​ഞ്ഞു. അ​തോ​ടെ അ​പ​ക​ട​ത്തി​ൽ​പ്പെ​ട്ടെ​ന്നു ക​രു​തി ടീ​ച്ച​റെ അ​ന്വേ​ഷി​ച്ച് ആ​ശു​പ​ത്രി​യി​ലേ​ക്ക് ഓ​ടി. അ​വി​ടെ​ങ്ങും കാ​ണാ​തെ വ​ന്ന​പ്പോ​ൾ എ​ല്ലാ​വ​രു​ടെ​യും മ​ന​സി​ൽ ആ​ധി​യാ​യി. എ​ന്നാ​ൽ എ​ല്ലാ​വ​രെ​യും വി​സ്മ​യി​പ്പി​ച്ച് ടീ​ച്ച​ർ പ​തി​വു​ള്ള പു​ഞ്ചി​രി​യോ​ടെ എ​ത്തി​യ​പ്പോ​ൾ സ​ങ്ക​ടം നി​റ​ഞ്ഞൊ​ഴു​കി​യ മി​ഴി​ക​ളി​ൽ സ​ന്തോ​ഷം തൂ​കി. 

വ​ർ​ഷ​ങ്ങ​ളോ​ളം വി​വി​ധ സ്‌​കൂ​ളു​ക​ളി​ൽ അ​ധ്യാ​പി​ക​യാ​യി സേ​വ​നം അ​നു​ഷ്ഠി​ച്ച് കൊ​ര​ട്ടി സെ​ന്‍റ് മേ​രീ​സ് സ്കൂ​ളി​ൽ ഹെ​ഡ്മി​സ്ട്ര​സാ​യി വി​ര​മി​ച്ച ടീ​ച്ച​ർ പ​ത്ത് വ​ർ​ഷം മു​മ്പാ​ണ് മ​ര​ണ​പ്പെ​ട്ട​ത്. ഭ​ർ​ത്താ​വ് കെ.​ജെ. തോ​മ​സ് കാ​ഞ്ഞി​ര​പ്പ​ള്ളി പേ​ട്ട ഗ​വ​ൺ​മെ​ന്‍റ് സ്‌​കൂ​ളി​ലെ അ​ധ്യാ​പ​ക​നാ​യി​രു​ന്നു. അ​ന്ന് ബ​സ് ന​ഷ്ട​പ്പെ​ട്ട​ത് ദൈ​വം ന​ൽ​കി​യ ഭാ​ഗ്യ​മാ​ണെ​ന്ന് എ​പ്പോ​ഴും ടീ​ച്ച​ർ പ​റ​യു​മാ​യി​രു​ന്നെ​ന്ന് മ​ക​ൻ ജോ​സ് തോ​മ​സ് പ​റ​ഞ്ഞു.