എരുമേലി – റാന്നി റോഡിൽ മുക്കടക്ക് സമീപം വൈദ്യുതി ലൈനിന്റെ മുകളിലേക്ക് മരം വീണ് ഗതാഗതം തടസ്സപ്പെട്ടു
എരുമേലി : എരുമേലി – റാന്നി റോഡിൽ മുക്കടക്ക് സമീപം വട്ട മരം വീണ് ഗതാഗതം തടസ്സപ്പെട്ടു . തിങ്കളാഴ്ച പുലർച്ചെ നാലരയ്ക്ക് ആയിരുന്നു റോഡിലേക്ക് മരം വീണത് . വൈദ്യുതി ലൈനിന്റെ മുകളിലേക്ക് മരംവീണ് ലൈൻ റോഡിൽ പതിച്ചു.
കാഞ്ഞിരപ്പള്ളിയിൽ നിന്ന് എത്തിയ സീനിയർ ഫയർ ഓഫീസർ കെ പി ജോയിയുടെ നേതൃത്വത്തിലുള്ള അഗ്നിശമനസേനയും, കെ.എസ്.ഇ.ബി ഉദ്യോഗസ്ഥരും, പോലീസും ചേർന്ന് മരം വെട്ടി മാറ്റി ഗതാഗതം പുനഃസ്ഥാപിച്ചു