പൊൻകുന്നം പി പി റോഡിൽ റോഡ് മുറിച്ചു കടക്കുന്നതിനിടെ ബൈക്കിടിച്ച് ഡ്രൈവിംഗ് സ്കൂൾ ഉടമ മരിച്ചു
പൊൻകുന്നം: പി.പി.റോഡിൽ അട്ടിക്കൽ കവലയിലുണ്ടായ ബൈക്ക് അപകടത്തിൽ ഒരാൾ മരിച്ചു. രണ്ടുപേർക്ക് പരിക്ക്.
ബിസ്മി മോട്ടോർ ഡ്രൈവിംഗ് സ്കൂൾ ഉടമ കൂട്ടിക്കൽ മഠത്തിൽ എം.എസ്.ജലീൽ (62)ആണ് മരിച്ചത്. ജലീൽ റോഡ് മുറിച്ചു കടക്കുന്നതിനിടെ പാലാ ഭാഗത്തുനിന്നും വന്ന ബൈക്ക് ഇടിച്ച് തെറിപ്പിക്കുകയായിരുന്നു. തെറിച്ചുവീണ ജലീലിനെ സമീപത്തുള്ളവർ ചേർന്ന് പൊൻകുന്നത്തെ സ്വകാര്യ ആശുപത്രിയിലും പിന്നീട് പാലാ മാർസ്ലീവാ ഹോസ്പിറ്റലിലും എത്തിച്ചെങ്കിലും ജീവൻരക്ഷിക്കാനായില്ല.
ബൈക്ക് യാത്രികരായ തമിഴ്‌നാട് സ്വദേശികളായ രണ്ടു യുവാക്കൾക്കാണ് പരിക്കേറ്റത്.ഇവരെ കാഞ്ഞിരപ്പള്ളി ജനറൽ ആശുപത്രിയിൽ പ്രവേശിപ്പിച്ചു.ജലീലിന്റെ മൃതദേഹം കോട്ടയം മെഡിക്കൽകോളേജ് മോർച്ചറിയിൽ.സംസ്‌കാരം പിന്നീട്. ഭാര്യ സെലീന.മക്കൾ:ബിസ്മി,റിസ്മി,റിഷാദ്. മരുമക്കൾ: റെനീഷ്, ഉനൈസ്