മുരിക്കുംവയൽ ഗവ. ഹയർ സെക്കൻഡറി സ്കൂളിന്റെ സ്കൂൾബസ്‌ സാമൂഹികവിരുദ്ധർ കേടുവരുത്തി
മുരിക്കുംവയൽ: ഗവ.ഹയർ സെക്കൻഡറി സ്കൂളിന്റെ ബസ് സാമൂഹികവിരുദ്ധർ നശിപ്പിച്ചു. സ്കൂളിന് മുൻവശത്ത് പാർക്കുചെയ്തിരുന്ന ബസിന്റെ താക്കോൽദ്വാരം കമ്പികയറ്റി നശിപ്പിച്ചു. കൂടാതെ, ബ്രേക്ക് കേബിൾ, ഫസ്റ്റ് എയ്‌ഡ്‌ ബോക്സ്‌ എന്നിവയും നശിപ്പിച്ചു. ബസ് സ്റ്റാർട്ടുചെയ്ത്‌ നോക്കാനായി ഡ്രൈവർ എത്തിയപ്പോളാണ് സംഭവം ശ്രദ്ധയിൽപ്പെട്ടത്. ബസിന്റെ ജനൽച്ചില്ലുകൾ നീക്കിയാണ് ആളുകൾ അകത്തുകടന്നത്. മുമ്പും ഇതേരീതിയിൽ ശ്രമം നടന്നിട്ടുള്ളതായി പറയുന്നു. പോലീസ്‌ സ്ഥലത്തെത്തി പരിശോധന നടത്തി.