ത്രിതല പഞ്ചായത്തിലേക്ക് തെരഞ്ഞെടുക്കപ്പെട്ട ജനപ്രതിനിധികൾക്ക് സ്വീകരണം നൽകി
കാഞ്ഞിരപ്പള്ളി: ത്രിതല പഞ്ചായത്തിലേക്ക് തെരഞ്ഞെടുക്കപ്പെട്ട ജനപ്രതിനിധികൾക്ക് എട്ടാം വാർഡ് കുടുംബശ്രീ എഡിഎസിന്റെ നേതൃത്വത്തിൽ സ്വീകരണം നൽകി.
ജില്ലാ പഞ്ചായത്തംഗം ജെസി ഷാജൻ,കാഞ്ഞിരപ്പള്ളി ഗ്രാമപഞ്ചായത്ത് പ്രസിഡണ്ട് കെ.ആർ.തങ്കപ്പൻ, വൈസ് പ്രസിഡണ്ട് റോസമ്മ പുളിക്കൽ, ബ്ളോക് പഞ്ചായത്തംഗം ഷക്കീല നസീർ, എട്ടാം വാർഡ് മെംബർ സുമി ഇസ്മായിൽ എന്നിവർക്കാണ് എട്ടാം വാർഡിലെ കുടുംബശ്രീ യൂണിറ്റുകളുടെ നേതൃത്വത്തിൽ സ്വീകരണ മൊരുക്കിയത്.
കൊടുവന്താനം പള്ളി ഹാളിൽ നടന്ന സ്വീകരണ സമ്മേളനം മുൻ ഗ്രാമപഞ്ചായത്തംഗം എം.എ.റിബിൻ ഷാ ഉദ്ഘാടനം ചെയ്തു.സിഡിഎസ് മെംബർ ദീപ്തി ഷാജി അദ്ധ്യക്ഷയായി. ഗ്രാമപഞ്ചായത്തംഗം വി.എൻ.രാജേഷ് മുഖ്യ പ്രഭാഷണം നടത്തി. വാർഡ് വികസന സമിതി കൺവീനർ എം.എ.ശശീന്ദ്രൻ, സലീം അമരീസ്, നസീർ കരിപ്പായിൽ, പി.പി.അഹമ്മദ് ഖാൻ, ലൈജു റഷീദ്, ധീരജ് ഹരി, റഹ്മത്ത്, നെജു ഷിഹാബ് എന്നിവർ പ്രസംഗിച്ചു.ജനപ്രതിനിധികൾക്ക് ഉപഹാരവും നൽകി.
