ഇനി ലക്ഷ്യത്തിലേക്കുള്ള യാത്ര
കോട്ടയം: ഇനിയുള്ള 37 ദിവസം മുന്നണികൾക്ക് ഉറക്കമില്ലാത്ത ദിനങ്ങൾ.
സ്ഥാനാർഥി പ്രഖ്യാപനം മുതൽ പ്രചാരണം വരെയുള്ള പ്രവർത്തനങ്ങൾ കോർത്തിണക്കി വിജയം നേടുകയെന്ന ലക്ഷ്യത്തിലേക്കുള്ള ദൂരം. രണ്ടാഴ്ചയ്ക്കുള്ളിൽ എല്ലാം ഉച്ഛസ്ഥായിയിലെത്തണം.
യുഡിഎഫിനു വ്യക്തമായ മുന്നേറ്റം ഉണ്ടായിരുന്ന ജില്ല കഴിഞ്ഞ തദ്ദേശതെരഞ്ഞെടുപ്പോടെ എൽഡിഎഫ് മേൽക്കൈ നേടി. ഇതു തിരിച്ചു പിടിക്കാനാണ് യുഡിഎഫ് ശ്രമിക്കുക. കേരള കോണ്‍ഗ്രസിന്‍റെ തട്ടകം. ജനപക്ഷവും സിപിഐയും ഓരോ മണ്ഡലത്തിൽ കഴിഞ്ഞ തവണ വിജയം നേടി. ഉപതെരഞ്ഞെടുപ്പിൽ എൻസിപിയും പേര് ചേർക്കപ്പെട്ടു. മുന്നണികളെ നിയന്ത്രിക്കുന്നത് കോണ്‍ഗ്രസും സിപിഎമ്മും. കഴിഞ്ഞ തവണ വിജയിച്ച മണ്ഡലങ്ങളിൽ വിജയം ആവർത്തിക്കുവാനും തോറ്റസ്ഥലങ്ങൾ തിരിച്ചുപിടിക്കാനുമുള്ള സമയം 37 ദിവസം.