കാഞ്ഞിരപ്പള്ളിയിലെ യു.ഡി.എഫ്.സ്ഥാനാർഥി ജോസഫ് വാഴയ്ക്കൻ ഇന്ന് പത്രിക സമർപ്പിക്കും

കാഞ്ഞിരപ്പള്ളിയിലെ യു.ഡി.എഫ്.സ്ഥാനാർഥി ജോസഫ് വാഴയ്ക്കൻ ബുധനാഴ്ച രാവിലെ 11-ന് ബ്ലോക്ക് ഓഫീസിൽ നാമനിർദേശ പത്രിക സമർപ്പിക്കും. മുന്നണി നേതാക്കൾക്കൊപ്പമാകും പത്രിക സമർപ്പണത്തിനെത്തുക.

തുടർന്ന് മണിമല, വെള്ളാവൂർ പഞ്ചായത്തുകളിലെത്തി വോട്ടർമാരെ നേരിൽ കാണും. ചൊവ്വാഴ്ച കറുകച്ചാൽ, നെടുംകുന്നം പഞ്ചായത്തുകളിലായിരുന്നു പ്രചാരണം. മുൻ ഡി.സി.സി. പ്രസിഡന്റ് പി.എസ്.ജോണിന്റെ ശവകൂടീരത്തിൽ പുഷ്പാർച്ചന നടത്തികൊണ്ടാണ് പ്രചാരണം ആരംഭിച്ചത്. വ്യാഴാഴ്ച വൈകീട്ട് മൂന്നിന് കറുകച്ചാലിൽ നിയോജക മണ്ഡലം കൺവെൻഷൻ നടത്തും. മുൻമുഖ്യമന്ത്രി ഉമ്മൻ ചാണ്ടി യോഗം ഉദ്ഘാടനം ചെയ്യും. 19, 20 തീയതികളിൽ മണ്ഡലം കൺവെൻഷനുകൾ നടത്തും.