അഡ്വ. സാജൻ കുന്നത്ത് കാഞ്ഞിരപ്പള്ളി ബ്ലോക്ക് പഞ്ചായത്ത് വൈസ് പ്രസിഡൻറ്

കാഞ്ഞിരപ്പള്ളി: കാഞ്ഞിരപ്പള്ളി ബ്ലോക്ക് പഞ്ചായത്ത് വൈസ് പ്രസിഡന്റായി അഡ്വ. സാജൻ കുന്നത്ത് ചുമതലയേൽക്കും. മൂന്നാം തവണയാണ് അദ്ദേഹം ബ്ലോക്ക് പഞ്ചായത്തംഗമാകുന്നത്. 2005ൽ ആനക്കല്ല് ഡിഷനിൽ നിന്നും, 2010ലും 2020 ലും ചോറ്റി ഡിവഷനിൽ നിന്നും തെരെഞ്ഞെടുക്കപ്പെട്ട സാജൻ ഇത്തവണ ബ്ലോക്ക് പഞ്ചായത്ത് സഹ അധ്യക്ഷ സ്ഥാനത്തേക്ക് തെരഞ്ഞെടുക്കപ്പെട്ടിരിക്കയാണ്.
നിലവിൽ കേരളാ കോൺഗ്രസ് (എം) പൂഞ്ഞാർ നിയോജക മണ്ഡലം പ്രസിഡന്റാണ് . .

കേരള ബാർ അസോസിയേഷൻ എക്സിക്യൂട്ടീവ് കമ്മറ്റിയംഗമായ സാജൻ, 15 വർഷമായി ഇടക്കുന്നം മേരി മാതാ പബ്ലിക് സ്കൂൾ പി.റ്റി.എ.പ്രസിഡൻ്റായും പ്രവർത്തിച്ചുവരുന്നു. കേരളാ അഡ്വക്കേറ്റ് സ് വെൽഫെയർ ഫണ്ട് ട്രസ്റ്റി കമ്മറ്റിയിൽ ഗവ: പ്രതിനിധി, കാഞ്ഞിരപ്പള്ളി ബാർ അസോസിയേഷൻ പ്രസിഡൻറ്, കാഞ്ഞിരപ്പള്ളി എസ്.ഡി കോളേജ് ഗവേണിംഗ് കമ്മറ്റിയംഗം, രൂപത പാസ്റ്ററൽ കൗൺസിൽ അംഗം എന്നീ നിലകളിലും പ്രവർത്തിച്ചിട്ടുണ്ട്.

കേരള വിദ്യാർഥി കോൺഗ്രസിലൂടെ രാഷ്ട്രീയത്തിൽ പ്രവേശിച്ച് കെ.എസ്.സി.(എം) സംസ്ഥാന ജനറൽ സെക്രട്ടറി, കേരള യൂത്ത്ഫ്രണ്ട് എം.കാഞ്ഞിരപ്പള്ളി നിയോജക മണ്ഡലം പ്രസിഡൻ്റ്, സംസ്ഥാന ജനറൽ സെക്രട്ടറി, കെ.റ്റി.യു.സി.യൂണിറ്റ് പ്രസിഡൻ്റ് എന്നീ നിലകളിൽ പ്രവർത്തിച്ചിട്ടുണ്ട്.