കാഞ്ഞിരപ്പള്ളി കത്തീഡ്രൽ, പഴയപള്ളി സംയുക്ത തിരുനാൾ ജനുവരി 25 മുതൽ 31 വരെ
കാഞ്ഞിരപ്പള്ളി: സെന്റ് ഡൊമിനിക്ക് കത്തീഡ്രലിലും മേജർ ആർക്കി എപ്പിസ്‌ക്കോപ്പൽ മരിയൻ തീർഥാടനകേന്ദ്രമായ പഴയപള്ളിയിലും (അക്കരപ്പള്ളി) പരി.കന്യകാമറിയത്തിന്റെയും വി.ഡൊമിനിക്കിന്റെയും, വി.സെബസ്ത്യാനോസിന്റെയും സംയുക്ത തിരുനാൾ 25 മുതൽ 31 വരെ ആഘോഷിക്കും.
25ന് വൈകുന്നേരം 5.30ന് സെന്റ് ഡൊമിനിക്സ് കത്തീഡ്രലില്‍ കൊടിയേറ്റുന്നതോടുകൂടി തിരുനാളിനു തുടക്കം കുറിക്കും. 26നു വൈകുന്നേരം നാലിന് ആഘോഷമായ വിശുദ്ധ കുര്‍ബാന. തുടർന്ന് കത്തീഡ്രലില്‍നിന്നും പുത്തനങ്ങാടി ചുറ്റി പഴയപള്ളിയിലേക്ക് പ്രദക്ഷിണം എത്തും. തുടർന്ന് പഴയപള്ളിയിൽ കൊടിയേറ്റ്.
27 മുതല്‍ 31 വരെ രാവിലെ 5.30നും ഏഴിനും ഒന്പതിനും ഉച്ചയ്ക്ക് 12നും വൈകുന്നേരം 4.30നും 6.45നും വിശുദ്ധ കുര്‍ബാന. 30നു പട്ടണപ്രദക്ഷിണം. കോവിഡ് മാനദണ്ഡങ്ങള്‍ ഉള്ളതിനാല്‍ തിരുസ്വരൂപങ്ങള്‍ വാഹനത്തില്‍ വഹിച്ചുകൊണ്ടായിരിക്കും പട്ടണപ്രദക്ഷിണം നടത്തുക.
തിരുനാള്‍ ദിവസങ്ങളില്‍ ഭക്തജനങ്ങള്‍ പഴയപള്ളിയില്‍ എത്തി കഴുന്ന്, സമര്‍പ്പണം എന്നീ നേര്‍ച്ചകള്‍ നടത്തുന്നതിനുവേണ്ടിയുള്ള ക്രമീകരണങ്ങള്‍ ചെയ്തിട്ടുണ്ട്. വിവിധ സ്ഥലങ്ങളില്‍നിന്ന് എത്തുന്ന ഭക്തജനങ്ങള്‍ നിര്‍ബന്ധമായും കോവിഡ് മാനദണ്ഡങ്ങള്‍ പാലിച്ചുകൊണ്ടു മാത്രമേ തിരുക്കര്‍മങ്ങളില്‍ സംബന്ധിക്കാവൂ.
തിരുനാളിന്റെ വിജയത്തിനായി കത്തീഡ്രൽ വികാരിയും ആർച്ച് പ്രീസ്റ്റുമായ റവ.ഫാ.വർഗീസ് പരിന്തിരിക്കലിന്റെ നേതൃത്വത്തിൽ വിവിധ കമ്മിറ്റികൾ രൂപവത്കരിച്ച് പ്രവർത്തനം തുടങ്ങി.