കൂരാലി ∙ എലിക്കുളം പഞ്ചായത്ത് ഓഫിസിലെത്തുന്നവർ ആതിഥ്യത്തിന്റെ ഊഷ്മളത അറിയുകയാണ്. ആവശ്യങ്ങളും ആവലാതികളുമായി എത്തുന്നവരെ പഞ്ചായത്ത് വരവേൽക്കുന്നത് ചായയും പലഹാരവും നൽകി. പദ്ധതി നടപ്പാക്കുന്ന ജില്ലയിലെ ആദ്യം പഞ്ചായത്താണ് എലിക്കുളം. പദ്ധതിയുടെ ചെലവ് പഞ്ചായത്തംഗങ്ങളും ജീവനക്കാരും ചേർന്നാണ് വഹിക്കുന്നത്. പദ്ധതിയുടെ ഉദ്ഘാടനം ജില്ലാ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷൻ ടി.എൻ.ഗിരീഷ് കുമാർ നിർവഹിച്ചു.

പഞ്ചായത്ത് പ്രസിഡന്റ് എസ്.ഷാജി അധ്യക്ഷത വഹിച്ചു.‌‌ വൈസ് പ്രസിഡന്റ് സിൽവി വിൽസൺ, സ്ഥിരം സമിതി അധ്യക്ഷരായ അഖിൽ അപ്പുക്കുട്ടൻ, ഷേർളി അന്ത്യാങ്കുളം, സൂര്യ മോൾ, പഞ്ചായത്തംഗങ്ങളായ സിനി ജോയ്, മാത്യൂസ് പെരുമനങ്ങാട്ട്, ആശ മോൾ, ദീപ ശ്രീജേഷ്, സിനിമോൾ കാക്കശ്ശേരിൽ, നിർമല ചന്ദ്രൻ, ജയിംസ് ജീരകത്തിൽ, യമുന പ്രസാദ്, പഞ്ചായത്ത് സെക്രട്ടറി കെ.സിബി ജോസ്, ജോയ്സ് സെബാസ്റ്റ്യൻ, സിഡിഎസ് അധ്യക്ഷ രാജമ്മ എന്നിവർ പങ്കെടുത്തു.