പൂഞ്ഞാർ എംഎൽഎ അഡ്വ. സെബാസ്റ്റ്യൻ കുളത്തുങ്കലിനെ മന്ത്രി വി.എൻ. വാസവൻ ആദരിച്ചു
കൂവപ്പള്ളി സർവീസ് സഹകരണ ബാങ്കിൽ 30 വർഷത്തിലധികമായി ഭരണസമിതി അംഗമായും, നിരവധി വർഷങ്ങളായി പ്രസിഡന്റായും സേവനമനുഷ്ഠിക്കുന്ന പൂഞ്ഞാർ എംഎൽഎ അഡ്വ. സെബാസ്റ്റ്യൻ കുളത്തുങ്കലിനെ സഹകരണ രജിസ്‌ട്രേഷൻ വകുപ്പ് മന്ത്രി വി.എൻ. വാസവൻ പൊന്നാട അണിയിച്ച് ആദരിച്ചു. അതിബൃഹുത്തായ പൂഞ്ഞാർ മണ്ഡലത്തിൽ, ജനങ്ങളുടെ പ്രശ്നപരിഹാരത്തിനായി രാപകലില്ലാതെ ഓടിനടന്ന് സേവനം ചെയ്യുന്ന സെബാസ്റ്റ്യൻ കുളത്തുങ്കലിന്റെ സേവനം മഹത്തരമാണെന്ന് മന്ത്രി പറഞ്ഞു. വീഡിയോ കാണുക .
കൂവപ്പള്ളി സർവീസ് സഹകരണ ബാങ്ക് പുതിയതായി നിർമിച്ച ഷോപ്പിംഗ് കോംപ്ലക്സിന്റെയും മിനി ഓഡിറ്റോറിയത്തിന്റെയും ഉദ്ഘാടനം നിർ വഹിച്ച് പ്രസംഗിക്കുകയായിരുന്നു മന്ത്രി. പ്രസ്തുത ചടങ്ങിൽ ബാങ്കിന്റെ ഓഹരി ഉടമകളും പ്രമുഖ സംരംഭകരായ ഓക്സിജൻ ഗ്രൂപ്പ് സിഇഒ ശ്രീ ഷിജോ കെ തോമസ് സെന്റ് മേരീസ് റബ്ബേർസ് പ്രൈവറ്റ് ലിമിറ്റഡ് മാനേജിംഗ് ഡയറക്ടർ ശ്രീ സണ്ണി ജേക്കബ്, റോയൽ ലാറ്റക്സ് മാനേജിങ് ഡയറക്ടർ T. M മാത്യു എന്നിവരെയും മുൻ പ്രസിഡന്റ്മാരെയും, ആദ്യകാല ഓഹരി ഉടമകളും ആദരിച്ചു
ബാങ്ക് പ്രസിഡന്റ് അഡ്വ. സെബാസ്റ്റ്യൻ കുളത്തുങ്കൽ എംഎൽഎ ചടങ്ങിൽ അധ്യക്ഷത വഹിച്ചു, ആന്റോ ആന്റണി എംപി, ജില്ലാ പഞ്ചായത്ത് പ്രസിഡന്റ് നിർമല ജിമ്മി, സഹകരണ ജോയിന്‍റ് രജിസ്ട്രാർ എൻ. അജിത്കുമാർ , സംസ്ഥാന സഹകരണ ബാങ്ക് ഭരണസമിതിയംഗം ഫിലിപ്പ് കുഴികുളം, സർക്കിൾ സഹകരണയൂണിയൻ ചെയർമാൻ പി. സതീശ് ചന്ദ്രൻനായർ, കിൻഫ്ര ഫിലിം ആൻഡ് വീഡിയോ കോർപറേഷൻ ചെയർമാൻ ജോർജുകുട്ടി ആഗസ്തി, ജില്ലാ ആസൂത്രണസമിതിയംഗം കെ. രാജേഷ്, കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് അജിതാ രതീഷ്, പഞ്ചായത്ത് പ്രസിഡൻറുമാരായ കെ.ആർ. തങ്കപ്പൻ, ഡയസ് കോക്കാട്ട്, സഹകരണ ജോയിന്‍റ് ഡയറക്ടർ എസ്. ജയശ്രീ, സെക്രട്ടറി ജോസ് മനോജ് പാറടിയിൽ, വൈസ് പ്രസിഡന്റ് ജോസുകുട്ടി കെ.ജെ. കല്ലംമാക്കൽ, ഭരണസമിതിയംഗം കെ.വി. ജോസ് കൊള്ളിക്കുളവിൽ തുടങ്ങിയവർ പ്രസംഗിച്ചു.