മൂന്നു പതിറ്റാണ്ട് ദീപിക പത്രാധിപ സമിതിയംഗമായിരുന്ന ജോസഫ് കട്ടക്കയം അന്തരിച്ചു
എലിക്കുളം : മൂന്നു പതിറ്റാണ്ട് ദീപിക പത്രാധിപ സമിതിയംഗമായിരുന്ന കട്ടക്കയം കെ.ജെ. ജോസഫ് (ജോസഫ് കട്ടക്കയം -80) അന്തരിച്ചു. സംസ്‌കാരം ശനി നാലിനു തെള്ളകം പുഷ്പഗിരി സെന്റ് ജോസഫ്‌സ് പള്ളിയിലെ കുടുബകല്ലറയിൽ. പരേതരായ എലിക്കുളം കട്ടക്കയം ജോസഫ് സി. കട്ടക്കയത്തിന്റെയും ഏലിക്കുട്ടി ജോസഫിന്റെയും മകനാണ് .
ഭാര്യ: ശോശാമ്മ ജോസഫ് മാനത്തൂര്‍ കോലത്ത് കുടുംബാംഗം.
മക്കള്‍: ജോജു ജോസഫ് (മെട്രിക്‌സ് ബംഗളൂരു), സജു ജോസഫ് എന്‍ജിനിയര്‍ തിരുവനന്തപുരം), സിജു ജോസഫ് (റവന്യു ഡിപ്പാര്‍ട്ട്‌മെന്റ്), ടിജു ജോസഫ് (എന്‍ജിനിയര്‍ ഇ ഫോറം മാന്നാനം).
മരുമക്കള്‍: മഞ്ജു വടക്കേല്‍ വെള്ളയാംകുടി കട്ടപ്പന, രശ്മി പുത്തേട്ട് വെട്ടിമറ്റം കലയന്താനി.
ജോസഫ് കട്ടക്കയം 1967 മുതല്‍ മൂന്നു പതിറ്റാണ്ട് ദീപിക പത്രാധിപ സമിതിയംഗമായിരുന്നു. ദീപിക മുന്‍ ഡെപ്യുട്ടി എഡിറ്റര്‍ ആയാണ് റിട്ടയർ ചെയ്തത് . സീനിയര്‍ ജേണലിസ്റ്റ് ഫോറം അംഗമായിരുന്നു അദ്ദേഹം . കാലത്തിന്റെ കൈയ്യൊപ്പ്, പാട്ടിന്റെ പാലാഴി എന്നി പുസ്തകങ്ങളുടെ രചയിതാവാണ് ജോസഫ് കട്ടക്കയം.