മു​ണ്ട​ക്ക​യം: മു​ണ്ട​ക്ക​യ​ത്തും പ​രി​സ​ര​പ്ര​ദേ​ശ​ങ്ങ​ളി​ലും ചി​ത​റി​ക്കി​ട​ക്കു​ന്ന സ​ർ​ക്കാ​ർ ഓ​ഫീ​സു​ക​ൾ ഒ​രു മേ​ൽ​ക്കൂ​ര​യ്ക്കു കീ​ഴി​ൽ എ​ത്തി​ക്കു​ന്ന​തി​നും അ​തു​വ​ഴി മെ​ച്ച​പ്പെ​ട്ട സ​ർ​ക്കാ​ർ സേ​വ​ന​ങ്ങ​ൾ ഉ​റ​പ്പു​വ​രു​ത്തു​ന്ന​തി​നു​മാ​യി മു​ണ്ട​ക്ക​യ​ത്ത് എം​എ​ൽ​എ ആ​സ്തി വി​ക​സ​ന ഫ​ണ്ട് ഉ​പ​യോ​ഗി​ച്ച് മി​നി സി​വി​ൽ സ്റ്റേ​ഷ​ൻ നി​ർ​മി​ക്കു​മെ​ന്ന് സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം​എ​ൽ​എ അ​റി​യി​ച്ചു. മു​ണ്ട​ക്ക​യം പു​ത്ത​ൻ​ച​ന്ത​യി​ൽ പ​ഞ്ചാ​യ​ത്തി​ന്‍റെ അ​ധീ​ന​ത​യി​ലു​ള്ള സ്ഥ​ല​ത്താ​ണ് സി​വി​ൽ സ്റ്റേ​ഷ​ൻ സ്ഥാ​പി​ക്കു​ക.
മു​ണ്ട​ക്ക​യം സ​ബ് ട്ര​ഷ​റി, ഐ​സി​ഡി​എ​സ് ഓ​ഫീ​സ്, കൃ​ഷി​ഭ​വ​ൻ, ഗ​വ​ണ്‍​മെ​ന്‍റ് വെ​റ്റ​റി​ന​റി പോ​ളി ക്ലി​നി​ക്, ഗ​വ​ണ്‍​മെ​ന്‍റ് ഹോ​മി​യോ ആ​ശു​പ​ത്രി, വാ​ട്ട​ർ അ​ഥോ​റി​റ്റി സെ​ക്‌​ഷ​ൻ ഓ​ഫീ​സ്, ഇ​ല​ക്ട്രി​സി​റ്റി ബോ​ർ​ഡ് സെ​ക്‌​ഷ​ൻ ഓ​ഫീ​സ് എ​ന്നീ ഓ​ഫീ​സു​ക​ളാ​ണ് മി​നി സി​വി​ൽ സ്റ്റേ​ഷ​നി​ലേ​ക്ക് മാ​റ്റു​ന്ന​തി​ന് ഇ​പ്പോ​ൾ ഉ​ദ്ദേ​ശി​ക്കു​ന്ന​ത്. ഇ​തു​കൂ​ടാ​തെ കോ​ണ്‍​ഫ​റ​ൻ​സ് ഹാ​ൾ, പൊ​തു​ജ​ന​ങ്ങ​ൾ​ക്ക് വി​ശ്ര​മ​മു​റി തു​ട​ങ്ങി അ​നു​ബ​ന്ധ സൗ​ക​ര്യ​ങ്ങ​ളും, കൂ​ടാ​തെ ഭാ​വി​യി​ലേ​ക്ക് പു​തി​യ ഓ​ഫീ​സു​ക​ൾ സ്ഥാ​പി​ക്ക​പ്പെ​ടു​ന്ന പ​ക്ഷം അ​വ​യ്ക്ക് കൂ​ടി​യു​ള്ള സൗ​ക​ര്യ​ങ്ങ​ൾ സ​ജ്ജ​മാ​ക്കി മി​നി സി​വി​ൽ സ്റ്റേ​ഷ​ൻ രൂ​പ​ക​ല്പ​ന ചെ​യ്യു​ന്ന​തി​ന് ഉ​ദ്ദേ​ശി​ക്കു​ന്ന​താ​യും എം​എ​ൽ​എ അ​റി​യി​ച്ചു. 
ഇ​തു​സം​ബ​ന്ധ​മാ​യി പ്ലാ​നും എ​സ്റ്റി​മേ​റ്റും ത​യാ​റാ​ക്കു​ന്ന​തി​നു പൊ​തു​മ​രാ​മ​ത്ത് കെ​ട്ടി​ട വി​ഭാ​ഗം അ​സി​സ്റ്റ​ന്‍റ് എ​ക്സി​ക്യൂ​ട്ടീ​വ് എ​ൻ​ജി​നി​യ​ർ, അ​സി​സ്റ്റ​ന്‍റ് എ​ൻ​ജി​നി​യ​ർ എ​ന്നി​വ​രെ ചു​മ​ത​ല​പ്പെ​ടു​ത്തി. പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കു​ന്ന​തി​നു ത​ഹ​സി​ൽ​ദാ​ർ​ക്ക് നി​ർ​ദേ​ശം ന​ൽ​കി. പു​തി​യ നി​ർ​ദി​ഷ്ട മി​നി സി​വി​ൽ സ്റ്റേ​ഷ​നി​ലേ​ക്ക് മാ​റു​ന്ന​തി​ന് നി​ർ​ദേ​ശി​ക്ക​പ്പെ​ട്ടി​ട്ടു​ള്ള വി​വി​ധ ഡി​പ്പാ​ർ​ട്ട്മെ​ന്‍റു​ക​ളോ​ട് അ​വ​ർ​ക്ക് ആ​വ​ശ്യ​മാ​യ സൗ​ക​ര്യ​ങ്ങ​ൾ സം​ബ​ന്ധി​ച്ച് 20ന​കം വി​വ​ര​ങ്ങ​ൾ ന​ൽ​ക​ണ​മെ​ന്നും, 30ന് ​മു​ന്പാ​യി ഡി​സൈ​നും പ്ലാ​നും എ​സ്റ്റി​മേ​റ്റും ത​യാ​റാ​ക്കേ​ണ്ട​താ​ണെ​ന്നും​ യോ​ഗ​ത്തി​ൽ തീ​രു​മാ​നി​ച്ചു. തു​ട​ർ​ന്ന് എ​സ്റ്റി​മേ​റ്റി​ന്‍റെ അ​ടി​സ്ഥാ​ന​ത്തി​ൽ ആ​വ​ശ്യ​മാ​യ തു​ക അ​നു​വ​ദി​ച്ച് മി​നി സി​വി​ൽ സ്റ്റേ​ഷ​ൻ യാ​ഥാ​ർ​ഥ്യ​മാ​ക്കു​മെ​ന്നും എം​എ​ൽ​എ അ​റി​യി​ച്ചു. സ്ഥ​ല​ല​ഭ്യ​ത ഉൾ​പ്പെ​ടെയുള്ള ഇ​ത​ര ക്ര​മീ​ക​ര​ണ​ങ്ങ​ൾ മു​ണ്ട​ക്ക​യം പ​ഞ്ചാ​യ​ത്തി​ന്‍റെ നേ​തൃ​ത്വ​ത്തി​ൽ ന​ട​പ്പി​ലാ​ക്കുമെ​ന്നും എം​എ​ൽ​എ കൂ​ട്ടി​ച്ചേ​ർ​ത്തു. 
മു​ണ്ട​ക്ക​യം പ​ഞ്ചാ​യ​ത്ത് കോ​ണ്‍​ഫ​റ​ൻ​സ് ഹാ​ളി​ൽ ചേ​ർ​ന്ന യോ​ഗ​ത്തി​ൽ ജ​ന​പ്ര​തി​നി​ധി​ക​ൾ, വി​വി​ധ വ​കു​പ്പ് മേ​ധാ​വി​ക​ൾ തു​ട​ങ്ങി​യ​വ​ർ പ​ങ്കെ​ടു​ത്തു.