കർഷകസംഘം പ്രവർത്തകർ ദേശീയ കർഷകസമരത്തിന് പിന്തുണയുമായി ഡൽഹിയിലേക്ക് ..

ജീവൻകൊടുത്തും കൃഷിഭൂമി സംരക്ഷിക്കാൻ കൊടുംതണുപ്പിനെ അവഗണിച്ച്‌ രാജ്യതലസ്ഥാനത്ത്‌‌ സമരംചെയ്യുന്ന കർഷകകരുടെ പോരാട്ടവീര്യത്തിന് ശക്തി പകരുവാൻ, കോട്ടയം ജില്ലയിലെ കർഷക സംഘത്തിന്റെ നേതൃത്വത്തിൽ ജില്ലയിൽ നിന്നും തിരഞ്ഞെടുക്കപ്പെട്ട 23 സഖാക്കൾ കോട്ടയത്തു നിന്നും ഡൽഹിയിലേക്ക് യാത്ര പുറപ്പെട്ടു. കാഞ്ഞിരപ്പള്ളി സൗത്ത് ലോക്കൽ സെക്രട്ടറിയും, കർഷക സംഘത്തിന്റെ ഏരിയ സെക്രട്ടറിയും, സിപിഐ എം ഏരിയ കമ്മറ്റി അംഗവുമായ സജിൻ വട്ടപ്പള്ളിയാണ് ടീമിന്റെ ക്യാപ്റ്റൻ . കർഷകസംഘം കാഞ്ഞിരപ്പള്ളി സൗത്ത് മേഖല സെക്രട്ടറി അജി കെ സി, പ്രസിഡന്റ് ശ്യാം കുമാർ എന്നിവരും സംഘത്തിലുണ്ട്. സിപിഐ എം ജില്ലാ സെക്രട്ടറി വി എൻ വാസവൻ കോട്ടയത്ത് യാത്ര ഉദ്‌ഘാടനം ചെയ്തു