പൊ​ൻ​കു​ന്നം : ഒറ്റയ്ക്ക് സഞ്ചരിച്ച രണ്ടു സ്ത്രീകളെ കവർച്ച ചെയ്ത കേസിലെ പ്രതിയെ കുറഞ്ഞസമയത്തിനുള്ളിൽ അറസ്റ്റ് ചെയ്ത് സമൂഹത്തിന്റെ കൈയടിനേടിയ പൊൻകുന്നം പോലീസ്, നിയമം നിയമത്തിന്റെ വഴിക്ക് നീക്കിയപ്പോഴും, നല്ല മനഃസാക്ഷി കാത്തുസൂക്ഷിച്ച് പ്രതിയോട് കാരുണ്യം കാണിച്ചപ്പോൾ അവർ പോലീസ് സേനയ്ക്കാകെ മാതൃകയായി. 

ക​ഴി​ഞ്ഞ ദി​വ​സം കാ​ഞ്ഞി​ര​പ്പ​ള്ളി കു​ന്നും​ഭാ​ഗ​ത്ത് ബൈ​ക്കി​ലെ​ത്തി വ​യോ​ധി​ക​യു​ടെ മാ​ല ത​ട്ടി​യെ​ടു​ത്ത കേ​സി​ലെ പ്ര​തി തി​രു​വ​ന​ന്ത​പു​രം പാ​റ​ശാ​ല സ്വ​ദേ​ശി​യും ഏ​ല​പ്പാ​റ​യി​ൽ വാ​ട​ക​യ്ക്ക് താ​മ​സി​ച്ച് വ​രു​ന്ന​യാ​ളു​മാ​യ കു​വ​ര​ക​വി​ള വീ​ട്ടി​ൽ സാ​ജു പ്ര​സാ​ദി​നെ പൊ​ൻ​കു​ന്നം പോ​ലീ​സ് അ​റ​സ്റ്റ് ചെ​യ്​തി​രു​ന്നു. ഇ​ത​റി​ഞ്ഞ ഇ​ദ്ദേ​ഹ​ത്തി​ന്‍റെ ഭാ​ര്യ മ​നം​നൊ​ന്ത് ആ​ത്മ​ഹ​ത്യ ചെ​യ്യുകയായിരുന്നു. അതോടെ ഒറ്റപ്പെട്ടുപോയ ഏകമകനാകട്ടെ ആരും തുണയില്ലാതെ വന്നതോടെ ചൈൽഡ് ലൈൻ പ്രവർത്തകർ ഏറ്റെടുക്കുകയായിരുന്നു. 

ഇ​വ​രു​ടെ സ്വ​ദേ​ശം പാ​റ​ശാ​ല ആ​യി​രു​ന്ന​തി​നാ​ൽ ഇ​വ​ർ​ക്ക് ബ​ന്ധു​ക്ക​ളാ​രും സ​ഹാ​യ​ത്തി​നി​ല്ലാത്ത ​സാ​ഹ​ച​ര്യ​ത്തിൽ, ശവസംസ്‌കാരം നടത്തുവാൻ പോലും ആരും ഇല്ലാതിരുന്ന അവസ്ഥയിൽ, പൊ​ൻ​കു​ന്നം പോ​ലീ​സ് പ്ര​ത്യേ​ക അ​നു​മ​തി വാ​ങ്ങി സം​സ്കാ​ര ച​ട​ങ്ങു​ക​ൾ​ക്ക് പ്ര​തി​യെ സ്ഥ​ല​ത്തെ​ത്തി​ക്കു​ക​യും സം​സ്കാ​ര ശു​ശ്രൂ​ഷ​ക​ളു​ടെ ചെ​ല​വു​ക​ൾ ഉ​ൾ​പ്പെ​ടെ വ​ഹി​ക്കു​ക​യും ചെയ്തു. . 

ക​ട്ട​പ്പ​ന ന​ഗ​ര​സ​ഭ ശ്മ​ശാ​ന​ത്തി​ലാ​ണ് ച​ട​ങ്ങ് ന​ട​ന്ന​ത്. സ​മീ​പ പ്ര​ദേ​ശ​ത്തു നി​ന്ന് ത​ന്നെ ക​ർ​മ​ത്തി​നു​ള​ള ആ​ളെ ക​ണ്ടെ​ത്തു​ക​യും പൂ​ജാ​ദ്ര​വ്യ​ങ്ങ​ൾ ഉ​ൾ​പ്പെ​ടെ വാ​ങ്ങി​ച്ച് ന​ല്കു​ക​യും ക​ർ​മി​ക്കു​ള്ള ചെ​ല​വ് ഉ​ൾ​പ്പെ​ടെ ന​ല്കി​യ​തും പോ​ലീ​സ് ത​ന്നെ​യാ​ണ്. പ്ര​തി സാ​ജു പ്ര​സാ​ദ് പൊ​ൻ​കു​ന്നം സ​ബ് ജ​യി​ലി​ൽ റി​മാ​ൻ​ഡി​ലാ​ണ്. ഭാ​ര്യ​യു​ടെ മ​ര​ണ​ത്തോ​ടെ അ​നാ​ഥ​മാ​യ ഇ​വ​രു​ടെ മ​ക​നെ ചൈ​ൽ​ഡ് ലൈ​നി​ൽ പോ​ലീ​സ് ത​ന്നെ എത്തിച്ചു. കു​ട്ടി​യു​ടെ തു​ട​ർ​ന്നു​ള്ള ജീ​വി​ത​ത്തി​ന് സ്പോ​ൺ​സ​റയും തേ​ടു​ക​യാ​ണ് ഇ​വ​ർ. പൊ​ൻ​കു​ന്നം സി​ഐ എം.​എ​സ്. രാ​ജീ​വി​ന്‍റെ നേ​തൃ​ത്വ​ത്തി​ലാ​ണ് മരണാനന്തരകർമങ്ങൾ ന​ട​ത്തി​യ​ത്.