ബൈക്കും കാറും കൂട്ടിയിടിച്ച് യുവാവ് മരിച്ചു.

കാഞ്ഞിരപ്പള്ളി: ഇടക്കുന്നം – വട്ടക്കാവ് റോഡിൽ ഇടക്കുന്നം സഹകരണ ബാങ്കിന് സമീപം ഉണ്ടായ അപകടത്തിൽ ഇടക്കുന്നം കാരികുളം (നാടുകാണി ) തെക്കേവയലിൽ സണ്ണിയുടെ മകൻ എബിൻ സണ്ണി ( 19 ) മരണപെട്ടു . കാഞ്ഞിരപ്പള്ളി സെന്റ് ഡൊമിനിക്‌സ് കോളേജിലെ ഡിഗ്രി വിദ്യർത്ഥിയായിരുന്നു .

അള്ളുങ്കപ്പടി വളവിൽ വെച്ച് ശനിയാഴ്ച ഉച്ചക്ക് 12 മണിയോടെയായിരുന്നു അപകടം. ബൈക്കിന് എതിരെ വന്ന കാറുമായി കൂട്ടിയിടിച്ചായിരുന്നു അപകടം. ഉടൻ തന്നെ കാഞ്ഞിരപ്പള്ളി ഇരുപത്തിയാറാം മൈൽ മേരി ക്യുൻസ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

സംസ്ക്കാരം തിങ്കളാഴ്ച രാവിലെ 10. ന് വീട്ടിലെ ശുശ്രൂഷക്ക് ശേഷം കാരിക്കുളം ഫാത്തിമ മാതാ പള്ളിയിൽ. മാതാവ് സോജി ഇടക്കുന്നം കൊട്ടാരത്തിൽ കുടുംബാംഗം. സഹോദരിമാർ: അജ്ഞന – കാത്തിരപ്പള്ളി എസ്.ഡി.കോളേജ് ഡിഗ്രി വിദ്യാർഥിനി, അനിത – പാറത്തോട് ഗ്രേസി സ്കൂൾ പത്താം ക്ലാസ് വിദ്യാർഥിനി.