ചാമംപതാലിൽ ബൈക്കും സ്കൂട്ടറും കൂട്ടിയിടിച്ച് യാത്രക്കാരനായ വയോധികൻ മരിച്ചു
കൊടുങ്ങൂർ : ചൊവ്വാഴ്ച രാവിലെ എട്ടരയോടെ ചാമംപതാൽ കവലയിൽ ബൈക്കും സ്കൂട്ടറും കൂട്ടിയിടിച്ച് ഒരാൾ മരിച്ചു. ചാമംപതാൽ കുളത്തിങ്കൽ വീട്ടിൽ ഇസ്മയിൽ(65) ആണ് മരിച്ചത്. കാനം റോഡിൽ നിന്നും ചാമംപതാൽ കവലയിലേക്ക് കയറിയ ഇസ്മയിലിന്റെ സ്കൂട്ടറിൽ മണിമല കൊടുങ്ങൂർ റൂട്ടിലെത്തിയ ബൈക്കിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ ഇസ്മായിൽ തല്ക്ഷണം മരിച്ചു.
പെരുന്നാട് സ്വദേശികളായ രണ്ടു പേരാണ് ബൈക്കിൽ ഉണ്ടായിരുന്നത്. ഇതിൽ ഒരാൾക്ക് സാരമായ പരിക്കുണ്ട്. ഇയാളെ കോട്ടയം മെഡിക്കൽ കോളേജ് ആശുപത്രയിൽ പ്രവേശിപ്പിച്ചു.ഇസ്മായിലിന്റെ മൃതദേഹം കോട്ടയം ജനറൽ ആശുപത്രിയിൽ.
.