ഇളങ്ങുളം സെന്റ് മേരീസ് പള്ളിയിൽ തിരുനാൾ
ഇളങ്ങുളം: സെന്റ് മേരീസ് പള്ളിയിൽ പരിശുദ്ധ വ്യാകുലമാതാവിന്റെ ദർശനത്തിരുനാളും ദൈവാലയസ്ഥാപനത്തിന്റെ ശതോത്തര രജതജൂബിലി വർഷസമാപനവും തുടങ്ങി. തിരുനാളാഘോഷത്തിന് വികാരി ഫാ.ജസ്റ്റിൻ പഴേപറമ്പിൽ കൊടിയേറ്റി.
ജനുവരി രണ്ടുവരെ ദിവസവും രാവിലെ ആറിനും എട്ടിനും വൈകീട്ട് നാലിനും ആറിനും കുർബാനയും നൊവേനയുമുണ്ട്. മൂന്നിന് രാവിലെ ആറിനും എട്ടിനും പത്തിനും കുർബാന. വൈകീട്ട് നാലിന് ആഘോഷമായ കുർബാന, കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ കാർമികത്വം വഹിക്കും.