ചിറക്കടവിൽ സി.ആർ.ശ്രീകുമാർ പ്രസിഡന്റ്; സതി സുരേന്ദ്രൻ വൈസ്പ്രസിഡന്റ്

ചിറക്കടവ്: ഗ്രാമപഞ്ചായത്തിൽ പ്രസിഡന്റ്, വൈസ്പ്രസിഡന്റ് സ്ഥാനങ്ങൾ സി.പി.എമ്മിന്. 16-ാം വാർഡിൽ നിന്ന് വിജയിച്ച അഡ്വ.സി.ആർ.ശ്രീകുമാറാണ് പ്രസിഡന്റ്. മൂന്നാംവാർഡിൽ നിന്ന് വിജയിച്ച സതി സുരേന്ദ്രനാണ് വൈസ്പ്രസിഡന്റ്.

16-ാം വാർഡ് തുടർച്ചയായി മൂന്നാംതവണയും പ്രസിഡന്റ് വാർഡായി മാറുകയാണ്. കഴിഞ്ഞ തവണ ഇതേവാർഡിൽ നിന്ന് വിജയിച്ച അഡ്വ.ജയശ്രീധറായിരുന്നു പ്രസിഡന്റ്. അതിന് മുൻപ് ഇതേവാർഡിലെ പ്രതിനിധി സി.കെ.രാമചന്ദ്രൻ നായരായിരുന്നു പ്രസിഡന്റ്. ഇവരെല്ലാം സി.പി.എം.പ്രതിനിധികളായിരുന്നു.