കാ​ഞ്ഞി​ര​പ്പ​ള്ളി: അ​നാ​ഥ​ത്വ​ത്തി​ൽ നി​ന്നും സ്നേ​ഹ​ത്ത​ണ​ലി​ലേ​ക്ക് കൂ​ടു​കൂ​ട്ടി​യ ഒ​ന്ന​ര വ​യ​സു​കാ​ര​ൻ ഇ​വാ​ന്‍റെ മ​ര​ണ​വാ​ർ​ത്ത നാ​ടി​നെ ക​ണ്ണീ​രി​ലാ​ഴ്ത്തി. മ​ണി​മ​ല പൂ​വ​ത്തോ​ലി തു​ങ്കു​ഴി ജി​ജോ-​മ​ഞ്ജു ദ​മ്പ​തി​ക​ളു​ടെ മ​ക​ൻ ഇ​വാ​നാ​ണ് (ഒ​ന്ന​ര) വാ​ഹ​നാ​പ​ക​ട​ത്തി​ൽ ഗു​രു​ത​ര പ​രി​ക്കേ​റ്റ് ചി​കി​ത്സ​യി​ലി​രി​ക്കേ ഇ​ന്ന​ലെ മ​ര​ണ​മ​ട​ഞ്ഞ​ത്. ഇ​വാ​ന്‍റെ മ​ര​ണ​വാ​ർ​ത്ത ബ​ന്ധു​ക്ക​ളും പ്രി​യ​പ്പെ​ട്ട​വ​രും ഞെ​ട്ട​ലോ​ട​യാ​ണ് ഉ​ൾ​ക്കൊ​ണ്ട​ത്. 

ജി​ജോ​യ്ക്കും മ​ഞ്ജു​വി​നും കു​ട്ടി​ക​ൾ ഇ​ല്ലാ​ത്ത​തി​നെ​ത്തു​ട​ർ​ന്ന് ഒ​രു വ​ർ​ഷം മു​മ്പ് ദ​ത്തെ​ടു​ത്ത കു​ട്ടി​യാ​ണ് ഇ​വാ​ൻ. ജി​ജോ​യു​ടെ പൂ​വ​ത്തോ​ലി​യി​ൽ പ​ണി​ത പു​തി​യ വീ​ടി​ന്‍റെ പാൽ​കാ​ച്ച​ൽ​ക​ർ​മം കഴിഞ്ഞ ​ശ​നി​യാ​ഴ്ച​യാ​യി​രു​ന്നു. പു​തി​യ വീ​ടി​ന് ഇ​വാ​ൻ എ​ന്നാ​യി​രു​ന്നു പേ​രി​ട്ടി​രു​ന്ന​ത്. ജി​ജോ-​മ​ഞ്ജു ദ​മ്പ​തി​ക​ൾ​ക്ക് നി​റ​മു​ള്ള സ്വ​പ​ന​ങ്ങ​ൾ ന​ൽ​കി, കു​ടും​ബ​ത്തി​ന്‍റെ ത​ണ​ലി​ൽ സ്നേ​ഹം അ​നു​ഭ​വി​ച്ചു വ​ള​ർ​ന്നു വ​രി​കെയാ​ണ് ഇ​വാ​ന്‍റെ വിയോ​ഗം. 

ജി​ജോ​യും കു​ടും​ബ​വും അ​ർ​ത്തു​ങ്ക​ൽ പ​ള്ളി​യി​ൽ പോ​യി വരു​ന്ന​വ​ഴി കു​മ​ര​കം ക​വ​ണാ​റ്റി​ൻ​ക​ര​യ്ക്കു സ​മീ​പ​മാ​യി​രു​ന്നു അ​പ​ക​ടം. ഇ​വ​ർ സ​ഞ്ച​രി​ച്ചി​രു​ന്ന വാ​ഹ​നം നി​യ​ന്ത്ര​ണം ന​ഷ്ട​പ്പെ​ട്ട മ​ര​ത്തി​ലി​ടി​ക്കു​ക​യാ​യി​രു​ന്നു. അ​പ​ക​ട​ത്തി​ൽ ഇ​വാ​ന്‍റെ പി​താ​വ് ജി​ജോ (46), അ​മ്മ മ​ഞ്ജു (45), മു​ത്ത​ശി മോ​ളി സെ​ബാ​സ്റ്റ്യ​ൻ (70) എ​ന്നി​വ​ർ​ക്കും പ​രി​ക്കേ​റ്റി​രു​ന്നു.

ജി​ജോ​യും മഞ്്ജു​വും ഇ​വാ​നും കോ​ഴി​ക്കോ​ട്ടാ​യി​രു​ന്നു താമസം. മ​ഞ്ജു കോ​ഴി​ക്കോ​ട് മൈ​ത്ര ആ​ശു​പ​ത്രി​യി​ൽ ന​ഴ്സാ​ണ്. പു​തി​യ വീ​ടി​ന്‍റെ പാ​ൽ​കാ​ച്ച​ൽ ക​ർ​മ​ത്തി​നാ​യി ക​ഴി​ഞ്ഞ ആഴ്ച​യാ​ണ് വീ​ട്ടി​ലെ​ത്തി​യ​ത്. ഇ​വാ​ന് പി​ന്നാ​ലെ ഇ​ന്ന​ലെ വൈ​കു​ന്നേ​രം മു​ത്ത​ശി മോ​ളി സെ​ബാ​സ്റ്റ്യ​നും മ​ര​ണ​മ​ട​ഞ്ഞു.