എ​രു​മേ​ലി: ഇ​ന്ന​ലെ ആ​ദ്യ​മാ​യി എ​രു​മേ​ലി​യി​ലെ പ്രൈ​വ​റ്റ് ബ​സ് സ്റ്റാ​ൻ​ഡി​ൽ ഉ​ച്ച​ഭാ​ഷി​ണി​യി​ലൂ​ടെ സ്ത്രീശ​ബ്ദം മു​ഴ​ങ്ങി. ബ​സു​ക​ളു​ടെ സ​മ​യ​വും റൂ​ട്ടും വി​ശ​ദ​മാ​യി മൈ​ക്കി​ലൂ​ടെ പ​റ​ഞ്ഞു​കൊ​ണ്ടി​രു​ന്നു ഉ​ഷ​യും അ​ജി​ത​യും. ഒ​പ്പം ബ​സു​ക​ളു​ടെ ടോ​ൾ പി​രി​വും കം​ഫ​ർ​ട്ട് സ്റ്റേ​ഷ​ന്‍റെ ചു​മ​ത​ല​യും ഇ​വ​ർ നി​ർ​വ​ഹി​ച്ചു. സ്റ്റാ​ൻ​ഡി​ന്‍റെ നി​യ​ന്ത്ര​ണം ഏ​റ്റെ​ടു​ത്ത കു​ടും​ബ​ശ്രീ പ്ര​വ​ർ​ത്ത​ക​രെ പ​ഞ്ചാ​യ​ത്ത്‌ ഭ​ര​ണ​സ​മി​തി പി​ന്തു​ണ​യും ആ​ശം​സ​ക​ളും അ​റി​യിച്ചു.

സ്റ്റാ​ൻ​ഡി​ലെ ടോ​ൾ പി​രി​വും നി​യ​ന്ത്ര​ണ ചു​മ​ത​ല​യും പ​ല ത​വ​ണ ലേ​ലം ചെ​യ്തി​ട്ടും പ​രാ​ജ​യ​മാ​യി​രു​ന്നു ഫ​ലം. ഇ​തോ​ടെ​യാ​ണ് കു​ടും​ബ​ശ്രീ വ​നി​ത​ക​ളെ ഏ​ൽ​പ്പി​ക്കാ​ൻ പ​ഞ്ചാ​യ​ത്ത്‌ ക​മ്മി​റ്റി തീ​രു​മാ​നി​ച്ച​ത്. ഇ​തി​ന്‍റെ ഭാ​ഗ​മാ​യി കു​ടും​ബ​ശ്രീ അം​ഗ​ങ്ങ​ളും ഹ​രി​ത ക​ർ​മസേ​ന​യി​ലെ അം​ഗ​ങ്ങ​ളു​മാ​യ ഉ​ഷ​യ്ക്കും അ​ജി​ത​യ്ക്കും ഇ​ന്ന​ലെ ആ​ദ്യ ഡ്യൂ​ട്ടി നൽ​കു​ക​യാ​യി​രു​ന്നു. ഇ​വ​ർ​ക്ക് ദിവ​സവേ​ത​നം പ​ഞ്ചാ​യ​ത്ത്‌ നൽകും. 

ബ​സു​ക​ളി​ൽ നി​ന്നു​ള്ള ടോ​ൾ ഫീ​സ് വാ​ങ്ങി ര​സീ​ത് ന​ൽ​കു​ക​യും ടോ​ൾ പി​രി​വും കം​ഫ​ർ​ട്ട് സ്റ്റേ​ഷ​നി​ലെ വ​രു​മാ​ന​വും ഇ​വ​ർ പ​ഞ്ചാ​യ​ത്തി​ന് ന​ൽ​ക​ണം. കൂ​ടാ​തെ യാ​ത്ര​ക്കാ​ർ​ക്ക് ആ​വ​ശ്യ​മാ​യ സേ​വ​ന​ങ്ങളും ന​ൽ​ക​ണം. നി​യ​മ​ലം​ഘ​ന​ങ്ങ​ളും കു​റ്റ​കൃ​ത്യ​ങ്ങ​ളും ഉ​ൾ​പ്പ​ടെ ശ്ര​ദ്ധ​യി​ൽ​പ്പെ​ട്ടാ​ൽ പോ​ലീ​സ് സ​ഹാ​യ​ത്തോ​ടെ നി​യ​മ ന​ട​പ​ടി​ക​ൾ സ്വീ​ക​രി​ക്ക​ണം. അ​ന​ധി​കൃ​ത പാ​ർ​ക്കിം​ഗ് അ​നു​വ​ദി​ക്ക​രു​ത്. പ​രി​സ​ര​ങ്ങ​ൾ വൃ​ത്തി​യും വെ​ടി​പ്പു​മാ​യി സൂ​ക്ഷി​ക്ക​ണം. ഇ​ങ്ങ​നെ ഒ​ട്ടേ​റെ ചു​മ​ത​ല​ക​ളാ​ണ് ഇ​വ​രു​ടെ ഡ്യൂ​ട്ടി​യി​ലു​ള്ളത്.