“നൂതനാശയ ഉത്സവ് 2022′
പൊൻകുന്നം: ദേശീയ ശാസ്ത്രദിനാചരണത്തിന്‍റെ ഭാഗമായി കേരള കോണ്‍ഗ്രസ് -എം സംസ്കാരവേദി ഹൈസ്കൂൾ വിദ്യാർഥികൾക്കായി നൂതന ആശയ ഉത്സവ്’ എന്ന പേരിൽ മത്സരങ്ങൾ സംഘടിപ്പിക്കും. വിദ്യാർഥികളുടെ കണ്ടെത്തലുകൾ അഞ്ചു മിനിറ്റിൽ കവിയാത്ത വീഡിയോ, പവർ പോയിന്‍റ് പ്രസന്‍റേഷൻ, സയൻസ് ഫിക്ഷൻ, കോമിക്സ്, ആനിമേഷൻ, ഇൻഫോ ഗ്രാഫിക്സ് തുടങ്ങിയ രൂപങ്ങളിൽ അവതരിപ്പിക്കാം.
ജില്ലയിൽനിന്നുള്ള ഏറ്റവും മികച്ച രണ്ട് അവതരണങ്ങൾ സംസ്ഥാനതല മത്സരത്തിനായി പരിഗണിക്കും. നൂതനാശയ ഉത്സവിന്‍റെ നടത്തിപ്പിന് സംസ്കാരവേദി സംസ്ഥാന പ്രസിഡന്റ് ഡോ. വർഗീസ് പേരയിൽ , ജനറൽ കണ്‍വീനർ ബാബു ടി. ജോണ്‍, അക്കാദമിക് കോ ഓർഡിനേറ്റർ ഡോ. എ.ജി. മാത്യൂസ് എന്നിവരുടെ നേതൃത്വത്തിൽ സമിതിയെ തെരഞ്ഞെടുത്തു.
പങ്കെടുക്കാൻ ആഗ്രഹിക്കുന്നവർ 23ന് മുന്പ് സംസ്കാര വേദി ജില്ലാ പ്രസിഡന്റ് ബാബു ടി. ജോണിന്‍റെ പക്കൽ അവതരണങ്ങൾ ഓണ്‍ലൈനായി നൽകേണ്ടതാണ്. ഫോണ്‍: 9447200569.