ചി​ട്ടി​ത​ട്ടി​പ്പ്: പ​ണം ന​ഷ്ട​പ്പെ​ട്ട​വ​ർ പ്ര​തി​ഷേ​ധ​വു​മാ​യി പോ​ലീ​സ് സ്റ്റേ​ഷ​നി​ൽ

പൊൻകുന്നം : മു​ൻ പ​ഞ്ചാ​യ​ത്തം​ഗ​ത്തി​ന്റെ നേ​തൃ​ത്വ​ത്തി​ൽ വ​നി​താ​ക്കൂ​ട്ടാ​യ്മ ന​ട​ത്തി​യ ചി​ട്ടി​യി​ൽ പ​ണം ന​ഷ്ട​പ്പെ​ട്ട​വ​ർ പ്ര​തി​ഷേ​ധ​വു​മാ​യി പൊൻകുന്നം പോ​ലീ​സ് സ്റ്റേ​ഷ​നി​ൽ. നേ​ര​ത്തേ സ്റ്റേ​ഷ​നി​ൽ ന​ട​ത്തി​യ ഒ​ത്തു​തീ​​പ്പർ​നു​സ​രി​ച്ച് പ​ണം കൊ​ടു​ത്തു​തീ​ർ​ക്കു​മെ​ന്ന​റി​യി​ച്ച വെള്ളിയാഴ്ച ഇ​ന്ന​ലെ ന​ട​പ​ടി​യു​ണ്ടാ​കാ​ഞ്ഞ​തി​നാ​ലാ​ണ് പ​ണം ന​ഷ്‌​ട​പ്പെ​ട്ട​വ​ർ പ്ര​തി​ഷേ​ധ​വു​മാ​യി പോ​ലീ​സ്‌​സ്റ്റേ​ഷ​നി​ൽ എ​ത്തി​യ​ത്.

ഇ​ന്ന​ലെ ചി​ട്ടി​ന​ട​ത്തി​പ്പു​കാ​ർ 5,40,000 രൂ​പ കൊ​ണ്ടു​വ​ന്നു. പ​രാ​തി​ക്കാ​ർ​ക്ക് മൂ​വാ​യി​രം രൂ​പ വീ​തം ന​ൽ​കാ​ൻ മാ​ത്ര​മേ ഇത് തി​ക​ഞ്ഞു​ള്ളൂ. അ​യ​ൽ​ക്കൂ​ട്ട​ത്തി​ന്‍റെ പേ​രി​ൽ അ​നൗ​ദ്യോ​ഗി​ക​മാ​യി ചി​റ​ക്ക​ട​വ് ര​ണ്ടാം​വാ​ർ​ഡി​ൽ മു​ൻ പ​ഞ്ചാ​യ​ത്തം​ഗ​മാ​യ വ​നി​ത ഉ​ൾ​പ്പെ​ടെ ഒ​ന്പ​ത് വ​നി​ത​ക​ൾ ചേ​ർ​ന്നു ന​ട​ത്തി​യ ചി​ട്ടി​യി​ലാ​ണ് മേ​ഖ​ല​യി​ലെ സാ​ധാ​ര​ണ​ക്കാ​രാ​യ കു​ടും​ബ​ങ്ങ​ൾ​ക്ക് ഒ​ന്ന​ര​ക്കോ​ടി രൂ​പ ന​ഷ്ട​പ്പെ​ട്ട​ത്.

അ​നൗ​ദ്യോ​ഗി​ക​മാ​യി ന​ട​ത്തി​വ​ന്ന ചി​ട്ടി പി​ന്നീ​ട് ഏ​താ​നും സ്ത്രീ​ക​ൾ സ്വ​ന്ത​നി​ല​യി​ൽ കൈ​കാ​ര്യം ചെ​യ്യു​ക​യാ​യി​രു​ന്നു. കു​ടും​ബ​ശ്രീ​യു​ടെ പേ​രി​ൽ ര​ജി​സ്ട്രേ​ഷ​നി​ല്ലാ​തെ മു​ൻ പ​ഞ്ചാ​യ​ത്തം​ഗ​മു​ൾ​പ്പെ​ടെ​യു​ള്ള​വ​ർ ന​ട​ത്തി​യ ഒ​ന്ന​ര​ല​ക്ഷം രൂ​പ​യു​ടെ ചി​ട്ടി​യി​ൽ 154 പേ​ർ ചേ​ർ​ന്നി​രു​ന്നു.

ഒ​രു ല​ക്ഷം രൂ​പ​യോ​ളം അം​ഗ​ങ്ങ​ൾ അ​ട​ച്ചി​രു​ന്നു. ചി​ട്ടി കി​ട്ടി​യ​വ​ർ​ക്കാ​ർ​ക്കും പ​ണം ന​ൽ​കി​യി​ല്ല. മു​ൻ​പ​ഞ്ചാ​യ​ത്തം​ഗം 20 ല​ക്ഷം രൂ​പ​യി​ലേ​റെ​യും മ​റ്റൊ​രു സ്ത്രീ 37 ​ല​ക്ഷം രൂ​പ​യും മ​റി​ച്ച​താ​യി ക​ണ്ടെ​ത്തി​യി​ട്ടു​ണ്ട്. ബാ​ക്കി തു​ക മ​റ്റു​ള്ള​വ​രു​ടെ കൈ​യി​ലു​മാ​യി. ഇ​വ​രി​ൽ ചി​ല​ർ പ​ണം കി​ട്ടാ​നു​ള്ള​വ​ർ​ക്ക് പ്രോ​മി​സ​റി നോ​ട്ടെ​ഴു​തി ന​ൽ​കാ​ൻ ത​യാ​റാ​യ​തോ​ടെ​യാ​ണ് താ​ത്കാ​ലി​ക പ​രി​ഹാ​ര​മാ​യ​ത്.