വേനൽച്ചുഴലിയുടെ താ​ണ്ഡ​വം: വാഴൂർ എസ്ആർവി സ്കൂ​ളി​ൽ 20 ല​ക്ഷം രൂ​പ​യു​ടെ ന​ഷ്ടം, പ്രദേശത്ത് 47 ല​ക്ഷം രൂ​പ​യു​ടെ കൃ​ഷി നാ​ശം

വാ​ഴൂ​ർ: വാ​ഴൂ​ർ പ​ഞ്ചാ​യ​ത്തി​ൽ ക​ഴി​ഞ്ഞ ദി​വ​സം പു​ല​ർ​ച്ചെ​യു​ണ്ടാ​യ കൊടുംകാ​റ്റി​ൽ വാഴൂർ എസ്ആർവി എൻഎസ്എസ് സ്കൂ​ളി​ന് 20 ലക്ഷം രൂ​പ​യു​ടെ ന​ഷ്ടം ഉ​ണ്ടാ​യി​ട്ടു​ള്ളതായി കണക്കാക്കുന്നു. കാറ്റിൽ ഓപ്പൺ ഓ​ഡി​റ്റോ​റി​യ​ത്തി​ന്റെ മേൽക്കൂര 200 മീറ്റർ ദൂരേക്ക് തെറിച്ചുപോയിരുന്നു. സ്കൂ​ൾ കെ​ട്ടി​ട​ത്തി​ന്റെ മേൽക്കൂര ത​ക​ർ​ന്ന​തും കെ​ട്ടി​ട​ത്തി​ലെ 11 ഷീ​റ്റ് ത​ക​ർ​ന്നതുമാണ് ഇ​ത്ര​യും ന​ഷ്ട​മു​ണ്ടാ​യ​തെ​ന്ന് അ​ധി​കൃ​ത​ർ അ​റി​യി​ച്ചു.

വാഴൂരിലും പരിസര പ്രദേശങ്ങളിലും വീശിയടിച്ച കാറ്റ് ഉത്തരേന്ത്യൻ വേനൽച്ചുഴലിയുടെ കേരള പതിപ്പായ ഒരുതരം കുട്ടിച്ചുഴലിയായിരുന്നു. കേരളത്തെ സംബന്ധിച്ച് ഇതു പുതിയ അന്തരീക്ഷ പ്രതിഭാസമാണ്. ഇതിനു പിന്നിൽ അപ്രതീക്ഷിത കാലാവസ്ഥാ മാറ്റമാണ് കാരണം. ആഗോള– പ്രാദേശിക അതിതാപനത്തിന്റെ ഫലമായി ഒരു ചെറിയ പ്രദേശത്തു മാത്രം നാശംവിതയ്ക്കുന്ന ശക്തമായ കാറ്റ് ഇപ്പോൾ നമ്മുടെ നാട്ടിലും എത്തിയത് പ്രദേശവാസികളെ പരിഭ്രാന്തരാക്കി.

വാഴൂരിൽ കാറ്റിന്റെ താണ്ഡവത്തിൽ 47 ല​ക്ഷം രൂ​പ​യു​ടെ കൃ​ഷി നാ​ശം സം​ഭ​വി​ച്ച​താ​യി കൃ​ഷി​വ​കു​പ്പ് അ​ധി​കൃ​തർ അ​റി​യി​ച്ചു.
ടാ​പ്പ് ചെ​യ്യു​ന്ന​തും അ​ല്ലാ​ത്ത​തു​മാ​യ 2,780 റ​ബ​ർ മ​ര​ങ്ങ​ൾ ന​ശി​ച്ചു. കാ​ർ​ഷി​ക​വി​ള​ക​ളാ​യ ജാ​തി, വാ​ഴ, ചേ​ന, കൊ​ക്കോ എ​ന്നി​വ​യും ന​ശി​ച്ചി​ട്ടു​ണ്ട്. ആ​ഞ്ഞി​ലി, പ്ലാവ്, തേ​ക്ക് തു​ട​ങ്ങി​യ​വ​യു​ടെ ക​ണ​ക്ക് ഇ​തി​ൽ ഉ​ൾ​പ്പെ​ട്ടി​ട്ടില്ല.

കൃ​ഷി​നാ​ശം സം​ഭ​വി​ച്ച കർഷകർ കൃ​ഷി​വ​കു​പ്പി​ന് ഓൺലൈൻ പോർട്ടലിൽ ര​ജി​സ്റ്റ​ർ ചെ​യ്യ​ണ​മെ​ന്നു കൃ​ഷി ഓ​ഫീ​സ​ർ ജി. അരുൺകുമാർ ​ അ​റി​യി​ച്ചു. കൊടുകാറ്റിൽ പ്രദേശത്ത് 55 വൈദ്യുതിത്തൂണുകള്‍ നിലംപൊത്തിയതോടെ വൈ​ദ്യു​തി വിതരണം നിലച്ചുപോയിരുന്നുവെങ്കിലും, ചൊവ്വാഴ്‌ച പ്ര​ദേ​ശ​ത്തെ വൈ​ദ്യു​തി​ബ​ന്ധം ഭാ​ഗി​ക​മാ​യി പു​നഃ​സ്ഥാ​പി​ച്ചു.