മു​ണ്ട​ക്ക​യം: വെ​ള്ളി, ശ​നി ദി​വ​സ​ങ്ങ​ളി​ലെ നേ​രി​യ ആ​ശ്വാ​സ​ത്തി​നു ശേ​ഷം ജി​ല്ല​യു​ടെ കി​ഴ​ക്ക​ൻ മേ​ഖ​ല​യി​ൽ ഇ​ന്ന​ലെ മ​ഴ ശ​ക്ത​മാ​യി. ഒ​ന്നി​ട​വി​ട്ട നേ​ര​ങ്ങ​ളി​ൽ അ​തി​ശ​ക്ത​മാ​യ മ​ഴ​യാ​ണ് പ്ര​ദേ​ശ​ത്ത് അ​നു​ഭ​വ​പ്പെ​ടു​ന്ന​ത്. മു​ന്പ് ശ​ക്തി കു​റ​ഞ്ഞ മ​ഴ നി​ൽ​ക്കാ​തെ പെ​യ്യു​ക​യാ​യി​രു​ന്നെ​ങ്കി​ൽ ഇ​ക്കു​റി ഏ​താ​നും നേ​ര​ത്തേ​ക്കു നീ​ണ്ടു​നി​ൽ​ക്കു​ന്ന അ​തി​ശ​ക്ത​മാ​യ മ​ഴ​യാ​ണ് പെ​യ്യു​ന്ന​ത്. 
ഇ​തു കൂ​ടു​ത​ൽ നാ​ശം വി​ത​യ്ക്കു​മോ​യെ​ന്ന ആ​ശ​ങ്ക​യാ​ണ് മ​ല​യോ​ര ജ​ന​ത​യ്ക്കു​ള്ള​ത്. ഇ​ങ്ങ​നെ പെ​യ്യു​ന്ന മ​ഴ മൂ​ലം ആ​റു​ക​ളി​ലെ​യും തോ​ടു​ക​ളി​ലെ​യും ജ​ല​നി​ര​പ്പ് നോ​ക്കി​നി​ൽ​ക്കെ ഉ​യ​രും. കൂ​ടാ​തെ ഉ​രു​ൾ​പൊ​ട്ട​ലി​നും മ​ണ്ണി​ടി​ച്ചി​ലി​നും ഇ​ട​യാ​ക്കു​മെ​ന്നും ആ​ശ​ങ്ക​യു​ണ്ട്. 2021ൽ ​ഇ​ങ്ങ​നെ പെ​യ്ത മ​ഴ​യാ​ണ് കൂ​ട്ടി​ക്ക​ൽ, മു​ണ്ട​ക്ക​യം മേ​ഖ​ല​യെ ദു​രി​ത​ത്തി​ലാ​ഴ്ത്തി​യ​ത്. 
എ​ന്നാ​ൽ, മു​ൻ​വ​ർ​ഷ​ങ്ങ​ളി​ലെ പാ​ഠം ഉ​ൾ​ക്കൊ​ണ്ട് വി​വി​ധ വ​കു​പ്പു​ക​ൾ മു​ൻ​ക​രു​ത​ൽ ന​ട​പ​ടി​യും സ്വീ​ക​രി​ച്ചി​ട്ടു​ണ്ട്. കൂ​ട്ടി​ക്ക​ൽ പ​ഞ്ചാ​യ​ത്തി​ന്‍റെ ദു​രി​ത​ബാ​ധി​ത പ്ര​ദേ​ശ​ങ്ങ​ളി​ലു​ള്ള ആ​ളു​ക​ൾ ഇ​പ്പോ​ഴും ക്യാ​ന്പു​ക​ളി​ൽ​ത​ന്നെ​യാ​ണ് ക​ഴി​യു​ന്ന​ത്. പ​ഞ്ചാ​യ​ത്തി​ന്‍റെ പ​രി​ധി​യി​ൽ മൂ​ന്നു ക്യാ​ന്പു​ക​ളാ​ണ് ഉ​ള്ള​ത്. 
അ​ടി​യ​ന്ത​ര ഘ​ട്ട​മു​ണ്ടാ​യാ​ൽ ര​ക്ഷാ​പ്ര​വ​ർ​ത്ത​ന​ത്തി​നാ​യി മു​ണ്ട​ക്ക​യ​ത്ത് ഫ​യ​ർ​ഫോ​ഴ്സി​ന്‍റെ ഒ​രു യൂ​ണി​റ്റും വി​വി​ധ സ​ന്ന​ദ്ധ സം​ഘ​ട​ന​ക​ളും ത​യാ​റാ​യി നി​ൽ​പ്പു​ണ്ട്.