ജവാൻപടി – കുതിരംകാവ് – മിനി മിൽ ലിങ്ക് റോഡ് ഡോ. എൻ. ജയരാജ് എം എൽ എ ഉദ്ഘാടനം ചെയ്തു
കാഞ്ഞതിരപ്പള്ളി: മിനി മിൽ, പാറക്കടവ് മേഖലയിലുള്ളവർക്ക് ഈരാറ്റുപേട്ട റോഡുമായി ബന്ധപെടുവാനുള്ള ജവാൻപടി – കുതിരംകാവ് – മിനി മിൽ ലിങ്ക് റോഡ് ഡോ.എൻ. ജയരാജ് എം എൽ എ ഉദ്ഘാടനം ചെയ്തു. ചടങ്ങിൽ കാഞ്ഞിരപ്പള്ളി പഞ്ചായത്ത് പ്രസിഡണ്ട് കെ ആർ തങ്കപ്പൻ അധ്യക്ഷനായി.
ജില്ലാ പഞ്ചായത്ത് അംഗം ജസി ഷാജൻ, ബ്ലോക്ക് പഞ്ചായത്ത് അംഗങ്ങളായ ഷക്കീലാ നസീർ ,ജോളി മടുക്കകുഴി, ജില്ലാ പഞ്ചായത്ത് മുൻ പ്രസിഡന്റ് അഡ്വ: സെബാസ്ററ്റൻ കുളത്തുങ്കൽ, പഞ്ചായത്ത് അംഗങ്ങളായ വി എൻ രാജേഷ്, അനുഷിയ സുബിൻ, ബി ആർ അൻഷാദ്, മഞ്ജു മാത്യു, നിസാ പി സലീം, സുമി ഇസ്മായിൽ, മുൻ മെംബർ സുബിൻ സലീം എന്നിവർ സംസാരിച്ചു. എം എൽ എയുടെ പ്രാദേശിക വികസന ഫണ്ടിൽ നിന്നുമുള്ള 15 ലക്ഷം രൂപ അടക്കം അൻപത് ലക്ഷം രൂപ ചിലവഴിച്ചാണ് ഈ ലിങ്ക് റോഡ് പൂർത്തീകരിച്ചത്.