പൂഞ്ഞാറിലെ എൻഡിഎ സ്ഥാനാർഥി എം.പി.സെൻ പ്രചാരണത്തിൽ സജീവമായി..
കാഞ്ഞിരപ്പള്ളി : ഏറെ വൈകിയയാണ് സ്ഥാനാർത്ഥിയായി പ്രഖ്യാപിക്കപെട്ടതെങ്കിലും, പൂഞ്ഞാറിൽ എൻ.ഡി.എ. സ്‌ഥാനാർഥിയായ എം.പി.സെൻ പ്രചാരണത്തിൽ സജീവമായികഴിഞ്ഞു. നിലവിൽ ബി.ഡി.ജെ.എസ്. ജില്ലാ പ്രസിഡന്റാണ്‌. 18 വർഷമായി വൈക്കം അർബൻ സഹകരണ സംഘത്തിന്റെ പ്രസിഡന്റാണ്‌. ഏനാദി എൽ.പി.സ്കൂൾ മാനേജരായും പ്രവർത്തിക്കുന്നു. വൈക്കം എസ്.എൻ.ഡി.പി.യൂണിയന്റെ സെക്രട്ടറി പദത്തിൽ 14 വർഷമായി തുടരുന്നു. എസ്.എൻ.ഡി.പി. മീനച്ചിൽ യൂണിയന്റെ കൺവീനറാണ്‌ ഈ 55 കാരൻ. ഭാര്യ: സിനി സെൻ. മകൻ: അദ്വൈത്‌ (എൻജിനീയറിങ്‌ വിദ്യാർഥി)