പിസിയുടെ ഭാഗ്യചിഹ്നം വീണ്ടും; ഇത്തവണയും പി.സി. ജോർജിന് തൊപ്പി തിരഞ്ഞെടുപ്പ് ചിഹ്നമായി ലഭിച്ചു .

കാഞ്ഞിരപ്പള്ളി : 2016 നിയമസഭാ തിരഞ്ഞെടുപ്പിൽ സ്വതന്ത്ര സ്ഥാനാർത്ഥിയായി മത്സരിച്ച പി.സി. ജോർജ്ജിന് ലഭിച്ചത് തൊപ്പി ചിഹ്നം ആയിരുന്നു. അന്ന് മൂന്നു മുന്നണികളെ തോൽപ്പിച്ച് വലിയ ഭൂരിപക്ഷത്തോടെ വിജയിച്ച പി.സി. ജോർജ്ജ് തൊപ്പി തന്റെ ഐശ്വര്യചിഹ്നമാണെന്ന് പ്രഖ്യാപിച്ചിരുന്നു. ഇത്തവണയും കേരള ജനപക്ഷം സെക്കുലർ സ്ഥാനാർത്ഥിയായി മത്സരിക്കുന്ന പി.സി. ജോർജ്ജിന് തന്റെ ഐശ്വര്യ ചിഹ്നമായ തൊപ്പി തന്നെയാണ് ലഭിച്ചിരിക്കുന്നത്. അതിനാൽ തന്നെ, പ്രവർത്തകർ വലിയ ആഹ്ലാദത്തിലാണ് .