കോവിഡ് വ്യാപനം : നാടിനു കരുതലായി സേവാഭാരതിയുടെ സഞ്ചരിക്കുന്ന ഓക്സിജൻ പാർലർ പ്രവർത്തനം ആരംഭിച്ചു

പള്ളിക്കത്തോട്: പള്ളിക്കത്തോട് പഞ്ചായത്തിലെ കോവിഡ് പ്രതിരോധ പ്രവർത്തനങ്ങൾക്ക് പിന്തുണയുമായി സേവാഭാരതിയുടെ സഞ്ചരിക്കുന്ന ഓക്സിജൻ പാർലർ പ്രവർത്തനം ആരംഭിച്ചു. രാഷ്ട്രീയ സ്വയംസേവക സംഘം പാമ്പാടി ഖണ്ഡ് സംഘചാലക് ശ്രീ.സി.എൻ. പുരുഷോത്തമൻ പഞ്ചായത്ത് പ്രസിഡന്റ് ശ്രീമതി. ആശാ ഗിരീഷിന് താക്കോൽ കൈമാറി. വൈസ് പ്രസിഡന്റ് ശ്രീ.ബാബു വീട്ടിക്കൽ, ബിജെപി സംസ്ഥാന സമിതി അംഗം ശ്രീ. എൻ.ഹരി എന്നിവർ സന്നിഹിതരായിരുന്നു.

കോവിഡ് പോസിറ്റീവായി വീടുകളിൽ കഴിയുന്നവർക്ക് രക്തത്തിലെ ഓക്സിജൻ അളവ് കുറയുമ്പോൾ ആശുപത്രിയിലേക്ക് മാറ്റേണ്ടി വരുന്ന സാഹചര്യം ഉണ്ടാകും. ഓക്സിജൻ അളവ് കുറയുന്നവർക്ക് ഡോക്ടർമാരുടെ നിർദേശപ്രകാരം രോഗികളുടെ വീട്ടിൽ ഓക്സിജൻ പാർലർ സേവനം ലഭ്യമാക്കുവാനും കഴിയും.കഴിഞ്ഞ രണ്ട് ദിവസമായി പഞ്ചായത്തിലെ ഇരുനൂറോളം വീടുകളിൽ സേവാഭാരതി ഉച്ചഭക്ഷണം നൽകി വരുന്നു. എല്ലാ വാർഡുകളിലും സേവാഭാരതിയുടെ ഹെൽപ്പ് ലൈൻ പ്രവർത്തിക്കുന്നു. ആവശ്യങ്ങൾക്കനുസരിച്ച് മരുന്ന്, അവശ്യസാധനങ്ങൾ എന്നിവ വീടുകളിൽ എത്തിച്ചു നൽകുന്നു.