കോവിഡ് മഹാമാരിയിൽ ആശ്വാസമായി പൈനാപ്പിൾ ചലഞ്ചുമായി കാഞ്ഞിരപ്പള്ള കോൺഗ്രസ് എട്ടാം വാർഡ് കമ്മറ്റി
കാഞ്ഞിരപ്പള്ളി. കോവിഡും ലോക് ഡൗണും മൂലം വലഞ്ഞ കാഞ്ഞിരപ്പള്ളി കൊടുവന്താനം പ്രദേശത്ത് പൈനാപ്പിൾ ചലഞ്ചിന്റെ മധുരവുമായി ഇൻഡ്യൻ നാഷണൽ കോൺഗ്രസ് എട്ടാം വാർഡ് കമ്മറ്റിയുടെ പ്രവർത്തകർ. റാന്നി അത്തിക്കയം പ്രദേശത്തു നിന്നും ശേഖരിച്ച ഒരു ടണ്ണിൽ കൂടുതൽ വരുന്ന കൈതച്ചക്കകളാണ് കൊടുവന്താനം പ്രദേശത്ത നാനൂറിൽ പരം വീടുകളിൽ വിതരണം ചെയ്തത്.
വാർഡ് പ്രസിഡന്റ് ഷാജി അറാഫ, കാഞ്ഞിരപ്പള്ളി സെൻട്രൽ കോ ഓപ്പറേറ്റീവ് ബാങ്ക് ഭരണ സമിതി അംഗം നെസീമ ഹാരിസ്, വാർഡ് കമ്മറ്റി അംഗങ്ങളായ സുനു ആന്റണി, അനസ് ബിസ്മി, അനസ് ബഷീർ, ഹാരിസ്, ഷിഹാസ്, കിഷോർ സുനു തുടങ്ങിയവർ പൈനാപ്പിൾ ചലഞ്ചിന് നേതൃത്വം നൽകി.