ലോക രക്തദാന ദിനത്തോടനുബന്ധിച്ച് എസ്എംവൈഎമ്മിന്റെ നേതൃത്വത്തിൽ രക്തദാന ക്യാമ്പ് നടത്തി
കാഞ്ഞിരപ്പള്ളി: ലോക രക്തദാന ദിനത്തോടനുബന്ധിച്ച് കാഞ്ഞിരപ്പള്ളി ഫൊറോന എസ്എംവൈഎമ്മിന്റെ നേതൃത്വത്തിൽ രക്തദാന ക്യാമ്പ് കാഞ്ഞിരപ്പള്ളി മേരി ക്വീൻസ് ആശുപത്രിയിൽ നടത്തി.
എസ്എംവൈഎം രൂപതാ ഡയറക്ടർ ഫാ. വർഗീസ് കൊച്ചുപുരയ്ക്കൽ രക്തദാനം നടത്തി ക്യാമ്പ് ഉദ്ഘാടനം ചെയ്തു. എസ്എംവൈഎം രൂപതാ പ്രസിഡന്റ് ആദർശ് കുര്യൻ രക്തദാന സന്ദേശം നൽകി.
കാഞ്ഞിരപ്പള്ളിജനമൈത്രി പോലീസ്, ജനകീയ രക്തദാന സേന, സെന്റ് ഡോമിനിക്സ് കോളജ് എൻഎസ്എസ് യൂണിറ്റ്, മുപ്പതോളം യുവജനങ്ങളും ക്യാമ്പിൽ പങ്കെടുത്തു. എസ്എംവൈഎം ഫൊറോന പ്രസിഡന്റ് അലൻ എസ് വെള്ളൂർ, അലൻ ആന്റണി, ജോജി തോമസ്, ഡാനിയ ബാബു, നജീബ് കാഞ്ഞിരപ്പള്ളി എന്നിവർ ക്യാമ്പിന് നേതൃത്യം നൽകി.