ഉ​ദ്ഘാ​ട​നം ക​ഴി​ഞ്ഞിട്ട് ആറുമാസം ; കാ​ത്ത്’ ലാബിനായുള്ള ജനങ്ങളുടെ കാത്തിരിപ്പ് നീളുന്നു ..

കാ​ഞ്ഞി​ര​പ്പ​ള്ളി: ആ​റ് മാ​സം മു​ന്പ് ഉ​ദ്ഘാ​ട​നം ക​ഴി​ഞ്ഞി​ട്ടും ജീ​വ​ന​ക്കാ​രി​ല്ലാ​ത്ത​തി​നാ​ൽ പ്ര​വ​ർ​ത്ത​നം ആ​രം​ഭി​ക്കാ​നാ​വാ​തെ കാ​ഞ്ഞി​ര​പ്പ​ള്ളി ജ​ന​റ​ൽ ആ​ശു​പ​ത്രി​യി​ലെ കാ​ത്ത് ലാ​ബ്.

ഫെ​ബ്രു​വ​രി 16നാ​ണ് ജ​ന​റ​ലാ​ശു​പ​ത്രി​യി​ലെ കാ​ത്ത് ലാ​ബ് ഉ​ദ്ഘാ​ട​നം ചെ​യ്ത​ത്. എ​ന്നാ​ൽ, ഇ​വി​ടേ​ക്ക് ആ​വ​ശ്യ​മാ​യ ഡോ​ക്ട​ർ​മാ​ർ, ന​ഴ്സു​മാ​ർ, മ​റ്റു ജീ​വ​ന​ക്കാ​ർ എ​ന്നി​വ​രെ നി​യോ​ഗി​ക്കാ​ത്ത​തി​നാ​ൽ കാ​ത്ത് ലാ​ബി​ന്‍റെ പ്ര​വ​ർ​ത്ത​നം ഇ​തു​വ​രെ​യും തു​ട​ങ്ങാ​നാ​യി​ല്ല. ലാ​ബി​ന്‍റെ പ്ര​വ​ർ​ത്ത​ന​ത്തി​ന് കാ​ർ​ഡി​യോ​ള​ജി​സ്റ്റു​മാ​ർ, ന​ഴ്സിം​ഗ് സ്റ്റാ​ഫ്, ടെ​ക്നി​ക്ക​ൽ സ്റ്റാ​ഫ് ഉ​ൾ​പ്പ​ടെ പ​തി​ന​ഞ്ചോ​ളം ജീ​വ​ന​ക്കാ​ർ അ​ധി​ക​മാ​യി വേ​ണം.

എ​ട്ട​ര കോ​ടി രൂ​പ​യു​ടെ ഉ​പ​ക​ര​ണ​ങ്ങ​ൾ ഉ​ൾ​പ്പെ​ടെ 10.36 കോ​ടി രൂ​പ ചെ​ല​വി​ട്ട് 5100 ച​തു​ര​ശ്ര അ​ടി വി​സ്തീ​ർ​ണ​ത്തി​ലാ​ണ് കാ​ത്ത് ലാ​ബ് സ​ജ്ജ​മാ​ക്കി​യ​ത്. ലാ​ബി​ലേ​ക്ക് ആ​വ​ശ്യ​മാ​യ അ​ധു​നി​ക ചി​കി​ത്സാ സം​വി​ധാ​ന​ങ്ങ​ളും ഒ​രു​ക്കി. ഇ​പ്പോ​ൾ എം​എ​ൽ​എ​യു​ടെ പ്രാ​ദേ​ശി​ക വി​ക​സ​ന ഫ​ണ്ടി​ൽ നി​ന്നു 38 ല​ക്ഷം രൂ​പ മു​ട​ക്കി വെ​യ്റ്റിം​ഗ് ഏ​രി​യ​യും അ​നു​ബ​ന്ധ സൗ​ക​ര്യ​ങ്ങ​ളും ഒ​രു​ക്കി വ​രി​ക​യാ​ണ്.

കാ​ത്ത് ലാ​ബ് പ്ര​വ​ർ​ത്ത​ന​ക്ഷ​മ​മാ​യാ​ൽ ഹൈ​റേ​ഞ്ച് ഉ​ൾ​പ്പ​ടെ​യു​ള്ള കി​ഴ​ക്ക​ൻ മ​ല​യോ​ര മേ​ഖ​ല​യി​ലെ നി​ർ​ധ​ന​രും സാ​ധാ​ര​ണ​ക്കാ​രു​മാ​യ രോ​ഗി​ക​ൾ​ക്ക് ആ​ൻ​ജി​യോ​ഗ്രാം, ആ​ൻ​ജി​യോ​പ്ലാ​സ്റ്റി ചി​കി​ത്സ​ക​ൾ സൗ​ജ​ന്യ​മാ​യി ല​ഭ്യ​മാ​ക്കാ​ൻ ക​ഴി​യും. ഹൈ​റേ​ഞ്ച് മേ​ഖ​ല​യി​ൽ നി​ന്നും കോ​ട്ട​യം പ​ത്ത​നം​തി​ട്ട ജി​ല്ല​ക​ളു​ടെ കി​ഴ​ക്ക​ൻ മേ​ഖ​ല​ക​ളി​ൽ നി​ന്നു​മു​ള്ള രോ​ഗി​ക​ളെ​യും ശ​ബ​രി​മ​ല സീ​സ​ണി​ൽ ഹൃ​ദ്രോ​ഗ​മു​ണ്ടാ​കു​ന്ന തീ​ർ​ഥാ​ട​ക​രെ​യും ആ​ദ്യ​മെ​ത്തി​ക്കു​ന്ന​ത് കാ​ഞ്ഞി​ര​പ്പ​ള്ളി ജ​ന​റ​ൽ ആ​ശു​പ​ത്രി​യി​ലാ​ണ്. എ​ന്നാ​ൽ, ഇ​വി​ടെ പ്രാ​ഥ​മി​ക​ചി​കി​ത്സ​ക​ൾ ന​ൽ​കി​യ​തി​നു​ശേ​ഷം കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് പ​റ​ഞ്ഞ​യ​യ്ക്കു​ക​യാ​ണ് ചെ​യ്യു​ന്ന​ത്. കി​ലോ​മീ​റ്റ​റു​ക​ൾ അ​ക​ലെ നി​ന്നെ​ത്തു​ന്ന​വ​ർ വീ​ണ്ടും ഇ​വി​ടെ നി​ന്നു 50 കി​ലോ​മീ​റ്റ​ർ കൂ​ടി യാ​ത്ര ചെ​യ്തു വേ​ണം മെ​ഡി​ക്ക​ൽ കോ​ള​ജി​ലെ​ത്താ​ൻ. ഇ​ക്കാ​ര്യ​ങ്ങ​ൾ പ​രി​ഗ​ണി​ച്ചാ​ണ് ഇ​വി​ടെ കാ​ത്ത് ലാ​ബ് അ​നു​വ​ദി​ച്ച​ത്.

ലാ​ബി​ന്‍റെ പ്ര​വ​ർ​ത്ത​നം ആ​രം​ഭി​ച്ചാ​ൽ കി​ഴ​ക്ക​ൻ മേ​ഖ​ല​യി​ലെ ജ​ന​ങ്ങ​ൾ​ക്കും ശ​ബ​രി​മ​ല സീ​സ​ണി​ൽ തീ​ർ​ഥാ​ട​ക​ർ​ക്കും ഏ​റെ പ്ര​യോ​ജ​ന​ക​ര​മാ​കും.

കാ​ത്ത് ലാ​ബി​ലേ​ക്ക് ആ​വ​ശ്യ​മാ​യ ഡോ​ക്ട​ർ​മാ​രെ​യും ജീ​വ​ന​ക്കാ​രെ​യും നി​യ​മി​ക്ക​ണ​മെ​ന്നാ​വ​ശ്യ​പ്പെ​ട്ട് ആ​രോ​ഗ്യ​വ​കു​പ്പി​ന് അ​പേ​ക്ഷ സ​മ​ർ​പ്പി​ച്ചി​ട്ടു​ണ്ടെ​ന്ന് ചീ​ഫ് വി​പ്പ് ഡോ.​എ​ൻ. ജ​യ​രാ​ജ് പ​റ​ഞ്ഞു.