പ്രളയത്തിനു മുൻപ് കാഞ്ഞിരപ്പള്ളി 26–ാം മൈലും ഒന്നാംമൈലും തമ്മിലുള്ള ദൂരം ഒരു കിലോമീറ്ററായിരുന്നു. പ്രളയശേഷം ആറു കിലോമീറ്ററായി കൂടി. ഇരുപ്രദേശങ്ങളും ബന്ധിപ്പിക്കുന്ന പാലം തകർന്നതാണു കാരണം. കാഞ്ഞിരപ്പള്ളി – എരുമേലി റൂട്ടിലെ ഈ പാലത്തിലൂടെ ഇരുചക്രവാഹനങ്ങൾ ഒഴികെയുള്ളവ നിരോധിച്ചു. ഇതോടെ സമീപഗ്രാമങ്ങളിലുള്ളവർക്ക് 6 മുതൽ 10 കിലോമീറ്റർ വരെ അധികം സഞ്ചരിച്ചാൽ മാത്രമേ കാഞ്ഞിരപ്പള്ളിയിൽ എത്താനാകൂ.

ഇതിവിടത്തെ മാത്രം സ്ഥിതിയല്ല. കൂട്ടിക്കൽ ഉരുൾപൊട്ടലിനു ശേഷം മലയോരമേഖല പരസ്പരം അകന്ന അവസ്ഥയാണ്. ജില്ലയിലെ പ്രധാനപ്പെട്ട 58 റോഡുകളും 9 പാലങ്ങളും തകർന്നുവെന്നാണു പൊതുമരാമത്ത് വകുപ്പിന്റെ കണക്ക്. ഇതിൽപെടാത്തവ വേറെയുണ്ട്. പഞ്ചായത്തു റോഡുകളുടെ കാര്യം പറയേണ്ടതില്ല. ഈ റോഡുകളും പാലങ്ങളും എന്നു പഴയപടിയാകുമെന്ന് ആർക്കുമറിയില്ല. മലയോര മേഖലയുടെ ദുരിതം പെട്ടെന്നൊന്നും തീരില്ലെന്നുവേണം മനസ്സിലാക്കാൻ.

വഴി മുടങ്ങി, ജീവിക്കാനും രക്ഷപ്പെടാനും

അടിയന്തര സാഹചര്യത്തിൽ എങ്ങനെ രക്ഷപ്പെടും? മ്ലാക്കരയിലെയും മൂപ്പൻമലയിലെയും വീട്ടുകാരുടെ മുന്നിലെ ചോദ്യമാണിത്. പ്രളയത്തിൽ ഇളംകാട് – മ്ലാക്കര റോഡ് തകർന്നതോടെ ഈ മേഖല ഒറ്റപ്പെട്ടു. കൂട്ടിക്കൽ പഞ്ചായത്തിലാണ് ഈ പ്രദേശങ്ങൾ. കിലോമീറ്ററുകൾ നടന്ന് ഇളംകാട് ടൗണിൽ എത്തിയ ശേഷമാണു നാട്ടുകാർ പുറംലോകത്ത് എത്തുന്നത്. നവീകരണം നടക്കുന്ന പൊൻകുന്നം – പ്ലാച്ചേരി റോഡിന്റെ 2 ഭാഗങ്ങളിൽ സംരക്ഷണഭിത്തി ഇടിഞ്ഞു. പലയിടത്തും ക്രാഷ് ബാരിയറുകളും തകർന്നു.   കൈപ്പള്ളി– ഏന്തയാർ റോഡ് തകർന്നതോടെ ബസ് സർവീസും നിർത്തി. മുൻപുതന്നെ തകർന്ന ഈരാറ്റുപേട്ട – വാഗമൺ റോഡിന്റെ അവസ്ഥ കൂടുതൽ വഷളായി. മണിമല – കുളത്തൂർമൂഴി തീരദേശ റോഡും ബദൽ റോഡായ വെള്ളാവൂർ – പ്ലാക്കൽപടി റോഡും തകർന്നു.

തകർന്ന പ്രധാന റോഡുകൾ

 ഇളംകാട് – വാഗമൺ റോഡ്
 കൂട്ടിക്കൽ – കാവാലി -ചോലത്തടം റോഡ്
 മുണ്ടക്കയം ബൈപാസ്
 കാഞ്ഞിരപ്പള്ളി – എരുമേലി റോഡ്
 മുണ്ടക്കയം – പറത്താനം റോഡ്
 ആനക്കുഴി – പറത്താനം റോഡ്
 പറത്താനം – കല്ലുവേലി റോഡ്
 ചോറ്റി – ഊരയ്ക്കനാട് – മാളിക റോഡ്

 കൂട്ടിക്കൽ – കാവാലി – ഏന്തയാർ റോഡ്
 കൂവപ്പള്ളി – കൂരന്തൂക്ക് റോഡ്
 വെള്ളനാടി – കോസ്‌വേ ജംക്‌ഷൻ റോഡ്
 മണിമല – പഴയിടം റോഡ്
 ചേനപ്പാടി – എരുമേലി റോഡ്
 ചരള ഹോസ്പിറ്റൽ -പൊലീസ് സ്റ്റേഷൻ റോഡ്
 കൊടിത്തോട്ടം പ്രപ്പോസ് റോഡ്
 എരുമേലി – മുക്കട റോഡ്
 കാരിത്തോട് – വായനശാല റോഡ്

കനകപ്പലം – മറ്റന്നൂർക്കര – നെുടുങ്കാവുവയൽ റോഡ്
 അഴീക്കൽ – കുറവാമൂഴി റോഡ്
 മൂക്കൻപെട്ടി – എയ്ഞ്ചൽവാലി റോഡ്
 മുണ്ടക്കയം – മൂക്കൻപെട്ടി -പമ്പാവാലി റോഡ്
 കാഞ്ഞിരപ്പള്ളി – എരുമേലി റോഡ്
 മുണ്ടക്കയം – കോരുത്തോട് റോഡ്
 കൊരട്ടി – കന്നിമല റോഡ്
 പേരൂർത്തോട് – ഇരുമ്പൂന്നിക്കര റോഡ്
 കരിനിലം – പശ്ചിമ കുഴിമാവ് റോഡ്

 കൊരട്ടി – ഓരുങ്കൽ കടവ് -കരിമ്പിൻതോട് റോഡ്
 കരിനിലം – പുഞ്ചവയൽ – 504 കോളനി റോഡ്
 മൈക്കോളജി റോഡ്
 26-ാം മൈൽ– പാലമ്പ്ര റോഡ്
 പൂഞ്ഞാർ – കൈപ്പള്ളി -ഏന്തയാർ റോഡ്
 അടിവാരം – കൊടുങ്ങ റോഡ്
 പെരിങ്ങളം – ചട്ടമ്പി – കൈപ്പള്ളി റോഡ്
 തീക്കോയി – മംഗളഗിരി – ഒറ്റയീട്ടി റോഡ്
 ഈരാറ്റുപേട്ട – വാഗമൺ റോഡ്ത

കർന്ന പ്രധാന പാലങ്ങൾ പൂർണമായും തകർന്നവ; ഇവ പൂർണമായും നിർമിക്കണം

 കാഞ്ഞിരപ്പള്ളി – 26-ാം മൈൽ പാലം

അടിത്തറ ഉൾപ്പെടെ തകർന്നു. കൈവരി നശിച്ചു. ഗതാഗതം നിരോധിച്ചു. ഇതുവഴി പോകേണ്ട വാഹനങ്ങൾ ദേശീയപാതയിലെ കാഞ്ഞിരപ്പള്ളി പൂതക്കുഴിയിൽനിന്നു തിരിഞ്ഞു പട്ടിമറ്റം വഴി എരുമേലി റോഡിൽ പ്രവേശിക്കണം.

 മൂന്നിലവ് രണ്ടാം പാലം (കടപ്പുഴ പാലം)

തൂണുകൾക്ക് ഇളക്കംതട്ടി. ഗതാഗതം നിരോധിച്ചു. മേച്ചാൽ ഭാഗത്തുള്ളവർക്ക് ഇനി പ്രധാന റോഡിലെത്താൻ മേലുകാവ്, കാഞ്ഞിരംകവല വഴി ഈരാറ്റുപേട്ട – തൊടുപുഴ റൂട്ടിൽ എത്തണം.

 ഏന്തയാർ പഞ്ചായത്ത് പാലം

പാലത്തിനു തകരാർ. സമീപനപാത പൂർണമായി തകർന്നു. ഗതാഗതം തടസ്സപ്പെട്ടതോടെ കൊക്കയാർ ഭാഗത്തുള്ളവർക്ക് ഇളംകാട് വഴി കിലോമീറ്ററുകൾ ചുറ്റണം.

 കടവനാൽ കടവ് പാലം

2 തൂണുകൾ 2 അടിയിലേറെ തെന്നിമാറി. ഭാഗികമായി അടച്ചു. ചെറുവാഹന ഗതാഗതം അനുവദിച്ചിട്ടുണ്ട്. ഇതുവഴിയുള്ള ബസുകൾ പാലത്തിന്റെ ഇരു ഭാഗങ്ങളിലും യാത്രക്കാരെ ഇറക്കി തിരിച്ചു പോകുന്നു.

 പഴയിടം കോസ്‌വേ

കൈവരികളും സമീപനപാതയും കുത്തിയൊലിച്ചുപോയി. വാഹനങ്ങൾ കടന്നു പോകുന്നുണ്ട്. സമീപനപാതയിൽ കല്ലിട്ടു നികത്തിയാണു ഗതാഗതം പുനഃസ്ഥാപിച്ചത്.

 ചെറുവള്ളി കോസ്‌വേ

കോസ്‌വേ ഒഴുകിപ്പോയി. ഇതുവഴി പോകേണ്ടവർ പഴയിടം കോസ്‌വേ വഴിയാണു പോകുന്നത്.

 വെള്ളാവൂർ തൂക്കുപാലം 

മണിമലയാറ്റിലൂടെ ഒഴുകിയെത്തിയ മരക്കൊമ്പുകൾ ഇടിച്ചാണു തൂക്കുപാലം തകർന്നത്. 35 മീറ്റർ ഭാഗം ഒലിച്ചു പോയി. ഇരുകരകളിലും എത്തുന്നതിന് 8 കിലോമീറ്റർ കൂടുതൽ സഞ്ചരിക്കണം.

ഭാഗികമായി തകർന്നവ

 ചിറ്റാർ പാലം (എരുമേലി, മണിമല, കാഞ്ഞിരപ്പള്ളി റോഡ്) – കൈവരികൾ തകർന്നു
 മണ്ണാർക്കയം പാലം (മണ്ണാർക്കയം – മണിമല റോഡ്) – കൈവരികൾ തകരാറിലായി
 കുളത്തൂർമൂഴി പാലം – പാലത്തിൽ പ്രളയാവശിഷ്ടങ്ങൾ അടിഞ്ഞുകൂടി
 കുളത്തൂർമൂഴി തൂക്കുപാലം – പൂർണമായും തകർന്നു
 ചെറുവള്ളി പാലം –ഭാഗികമായി തകർന്നു
 മുണ്ടക്കയം കോസ്‌വേ – കൈവരികൾ തകർന്നു
 ഓരുങ്കൽക്കടവ് കോസ്‌വേ – കൈവരികൾ തകർന്നു
 മൂക്കൻപെട്ടി കോസ്‌വേ – കൈവരികൾ തകർന്നു
 ഈരാറ്റുപേട്ട ചിറ്റാട്ടുകര കോസ്‌വേ – കൈവരി തകർന്നു
 പൂഞ്ഞാർ കാവുംകടവ് പാലം – കൈവരികൾ തകർന്നു
 ഇളംകാട് – വാഗമൺ, വല്യേന്ത റോഡ് കലുങ്ക് – സമീപനപാത തകർന്നു.