കണമല അട്ടിവളവിൽ ശബരിമല തീർത്ഥാടക ബസ് മറിഞ്ഞു; ഒന്‍പത് തീര്‍ത്ഥാടകര്‍ക്ക് പരിക്ക്
എരുമേലി – പമ്പ സംസ്ഥാനപാതയിലെ കണമല അട്ടിവളവിൽ ശബരിമല തീർത്ഥാടകർ സഞ്ചരിച്ച ബസ് നിയന്ത്രണം വിട്ട് ഇടിച്ചു മറിഞ്ഞു. ഒന്‍പത് തീര്‍ത്ഥാടകര്‍ക്ക് പരിക്ക്. ഡ്രൈവര്‍ക്ക് സാരമായ പരിക്കുമേറ്റു. തിങ്കളാഴ്ച രാവിലെയാണ് 8 മണിയോടെ അപകടം.ആന്ധ്രപ്രദേശ് നിന്നും എത്തിയ തീർഥാടകരുടെ ബസാണ് അപകടത്തിൽ പെട്ടത്.
റോഡ് തിട്ടയിലെ കട്ടിങ്ങിൽ ഇടിച്ചതിനാൽ ബസ് താഴ്ചയിലേക്ക് പോയില്ല. അതിനാൽ വൻദുരന്തം ഒഴിവായി . ഓടിക്കൂടിയ നാട്ടുകാർ ബസിൽ നിന്ന് പരിക്കേറ്റവരെ പുറത്തെടുത്ത് രക്ഷാ പ്രവർത്തനം ആരംഭിച്ചതിന് പിന്നാലെ പോലിസ്, ഫയർ ഫോഴ്സ്, മോട്ടോർ വെഹിക്കിൾ റോഡ് സേഫ് സോൺ ഉദ്യോഗസ്ഥർ സ്ഥലത്ത് എത്തി രക്ഷാ പ്രവർത്തനം ഏറ്റെടുത്തു. ബസിൽ കുടുങ്ങിയ നിലയിലായിരുന്നു ഡ്രൈവർ.