ഡ്രൈവർ മയങ്ങി.. നിയന്ത്രണം വിട്ട കാർ വൈദ്യുതി പോസ്റ്റ് ഇടിച്ചു തകർത്തു തലകീഴായി മറിഞ്ഞു ; യാത്രക്കാർ അത്ഭുതകരമായി രക്ഷപ്പെട്ടു
കാഞ്ഞിരപ്പളളി – മണിമല റോഡിൽ മണ്ണാറക്കയം കവലയിൽ തിങ്കളാഴ്ച പുലർച്ചെ ഒന്നേമുക്കലോടെ ഓട്ടത്തിനിടയിൽ നിയന്ത്രണം വിട്ട കാർ വൈദ്യുതി പോസ്റ്റ് ഇടിച്ചു തകർത്തു തലകീഴായി റോഡിലേക്ക് മറിഞ്ഞു. . യാത്രികർ അത്ഭുതകരമായി രക്ഷപ്പെട്ടു.
മണ്ണാറക്കയം സ്വദേശി ഷാജി കൊച്ചറയ്ക്കനും , ഭാര്യയും രണ്ടു മക്കളും മരുമക്കളും ആണ് കാറിലുണ്ടായിരുന്നത് .മേരികുളം പോയി തിരികെ വരികയായിരുന്നു കാർ യാത്രികർ. ഡ്രൈവർ ഉറങ്ങിപ്പോയതാണ് അപകടകാരണമെന്ന് പറയപ്പെടുന്നു.കാർ കയ്യാലയിൽ ഇടിച്ച് തലകീഴായി മറിഞ്ഞു എങ്കിലും അപകടത്തിൽ ആർക്കും സാരമായ പരിക്കില്ല. അപകടം നടന്നയുടൻ രക്ഷാ പ്രവർത്തനത്തിനായി നാട്ടുകാരായ ഷിബിലി മണ്ണാറക്കയം , കണ്ണൻ പങ്കപ്പാട്ട് ഷെമീർ ടി.പി, ജയൻ പൂനത്തിൽ എന്നിവർ നേതൃത്വം നൽകി