കുട്ടിക്കാനത്ത് ശബരിമല തീർത്ഥാടകർ സഞ്ചരിച്ച ബസ് നിയന്ത്രണം വിട്ട് തീർത്ഥാടകരുടെ കാറിനു മുകളിലേക്ക് മറിഞ്ഞു.
കുട്ടിക്കാനം: കുട്ടിക്കാനത്ത് അയ്യപ്പഭക്തരുടെ വാഹനങ്ങൾ അപകടത്തിൽപെട്ടു. പോണ്ടിച്ചേരിയിൽ നിന്നും ശബരിമലയിലേക്ക് പോയ തീർത്ഥാടകർ സഞ്ചരിച്ച ബസ് വളഞ്ഞങ്ങാനം വളവിന് സമീപം, നിയന്ത്രണം വിട്ട് മറ്റൊരു ബസ്സിൽ ഇടിച്ച ശേഷം, തീർത്ഥാടകർ സഞ്ചരിച്ച കാറിനു മുകളിലേക്ക് മറിയുകയായിരുന്നു. നിരവധി പേർക്ക് പരിക്കുകൾ പറ്റി. അപകടത്തിൽ പരിക്കേറ്റവരെ പീരുമേട്ടിലെയും, മുണ്ടക്കയത്തേയും ആശുപത്രികളിൽ പ്രവേശിപ്പിച്ചു.
അപകടത്തെ തുടർന്ന് ദേശീയ പാതയിൽ ഒരു മണിക്കൂറോളം ഗതാഗതം സ്തംഭിച്ചു . പോലീസെത്തി ഗതാഗതം പുനസ്ഥാപിച്ചു.